വാഷിങ്ടണ്‍:ഭീകരവാദത്തെ പ്രോത്സാഹിപ്പിക്കുന്ന പാക് നിലപാടിനെതിരെ ഇന്ത്യ അടക്കം രാജ്യങ്ങള്‍ പ്രതിഷേധം അറിയിക്കുമ്പോഴും ഭീകരവാദത്തിന്റെ പേരില്‍ പാകിസ്താനുമേല്‍ ഉപരോധമേര്‍പ്പെടുത്തില്ലെന്ന നിലപാട് ആവര്‍ത്തിച്ച് അമേരിക്ക. അതേസമയം ഭീകരസംഘടനകള്‍ക്കെതിരെയും പാകിസ്താന്‍ ശക്തമായ നടപടി സ്വീകരിക്കണമെന്ന് യു.എസ് വീണ്ടും ആവശ്യപ്പെട്ടു.

പാകിസ്താന് ഉപരോധമേര്‍പ്പെടുത്തുന്ന കാര്യത്തെ കുറിച്ച് അമേരിക്ക ഗൗരവമായി ചിന്തിക്കണമെന്ന ഐക്യരാഷ്ട്രസഭയുടെ മുന്‍ യുഎസ് അംബാസിഡര്‍ സല്‍മേയ് ഖാലില്‍സാദിന്റെ പ്രസ്താവനയെ കുറിച്ച് ആരാഞ്ഞപ്പോഴായിരുന്നു ടോണറുടെ മറുപടി.

ഏതെങ്കിലും തരത്തിലുള്ള ഉപരോധത്തെ കുറിച്ച് ആലോചിക്കുന്നില്ല. അത്തരമൊരു സാഹചര്യം ഉണ്ടെന്നു കരുതുന്നുനില്ലെന്നും അദ്ദേഹം പറഞ്ഞു. അഫ്ഗാനിസ്താന്‍ അതിര്‍ത്തി കേന്ദ്രീകരിച്ചുള്ള പാകിസ്താന്റെ ഭീകരവിരുദ്ധ നടപടികളെ പ്രോത്സാഹിപ്പിക്കുന്നുണ്ടെന്നും യുഎസ് വക്താവ് അറിയിച്ചു.