താമരശ്ശേരി: താമരശ്ശേരി ചുരത്തില്‍ ലോറി അപകടത്തില്‍പ്പെട്ട് വീണ്ടും ഗതാഗത കുരുക്ക്. ഒന്‍പതാം വളവില്‍ കണ്ടെയ്‌നര്‍ ലോറി കൊക്കയിലേക്ക് തെന്നിമാറിയാണ് അപകടമുണ്ടായത്. നിലവില്‍ ലോറി റോഡിലേക്ക് തിരിച്ച് കയറ്റാനുള്ള ശ്രമങ്ങള്‍ തുടരുകയാണ്. 

അപകടത്തെ തുറന്ന് വാഹനങ്ങള്‍ കടന്നുപോകുന്നതില്‍ താമസം നേരിടുന്നുണ്ട്. മണ്ണിടിച്ചിലിനെ തുടര്‍ന്ന് അടച്ചിട്ട ചുരത്തിലൂടെ വലിയ വാഹനങ്ങള്‍ കടത്തി വിടാന്‍ തീരുമാനിച്ചതിന് പിന്നാലെയാണ് ലോറി അപകടത്തില്‍പ്പെട്ടത്.

ഞായറാഴ്ച്ച ഉച്ചയോടെയാണ് താമരശ്ശേരി ചുരത്തില്‍ ഒന്‍പതാം വളവില്‍ കണ്ടെയ്‌നര്‍ ലോറി അപകടത്തില്‍പ്പെട്ടത്. നിയന്ത്രണം വിട്ട ലോറി ചുരത്തിന്റെ സംരക്ഷണ ഭിത്തി തകര്‍ന്ന് കൊക്കയിലേക്ക് തെന്നി മാറുകയായിരുന്നു. അപകടത്തില്‍ ലോറിയുടെ മുന്‍ഭാഗം കൊക്കയിലേക്ക് തുങ്ങിയിറങ്ങിയ നിലയിലാണ്. ലോറി പുറത്തെടുക്കാനുള്ള ശ്രമങ്ങള്‍ ആരംഭിച്ചിട്ടുണ്ട്. നാട്ടുകാരുടെ ഇടപെടലില്‍ ലോറി ഡ്രൈവറെയും, ക്ലീനറെയും സുരക്ഷിതമായി പുറത്തെത്തിച്ചിട്ടുണ്ട്. 

ALSO READ: റോഡ് നന്നായില്ലെങ്കിലും കുഴപ്പമില്ല....! പാലിയേക്കരയിൽ ടോൾ നിരക്ക് വർധിപ്പിച്ചു 

കോഴിക്കോട് ഭാഗത്തേക്ക് വരികയായിരുന്നു ലോറി. നിറയെ ബൈക്കുകള്‍ കയറ്റിവന്ന ലോറിയാണ് അപകടത്തില്‍പ്പെട്ടത്. ലോഡിന്റെ ഭാരം കൊണ്ടാണ് ലോറി കൊക്കയിലേക്ക് പതിക്കാതിരുന്നത്. ലോറി മാറ്റാന്‍ പുറപ്പെട്ട ക്രെയിനുകള്‍ ഗതാഗതക്കുരുക്കില്‍പ്പെട്ടു.

container lorry accident at the ninth bend of Thamarassery Churam