ഹൈദരാബാദ്: പാർട്ടിയിൽ നിന്ന് സസ്പെന്റ് ചെയ്തതിന് പിന്നാലെ ബിആർഎസിൽ നിന്ന് രാജിവെച്ച് കെ. കവിത. പാർട്ടി വിരുദ്ധ പ്രവൃത്തികളുടെ പേരിൽ ഇക്കഴിഞ്ഞ ദിവസമാണ് കവിതയെ പാർട്ടിയിൽ നിന്ന് സസ്പെന്റ് ചെയ്തത്. 

അടുത്ത ബന്ധുക്കളായ ടി. ഹരീഷ് റാവുവും ജെ. സന്തോഷ് റാവുവും നടത്തിയ അഴിമതി കാരണം പിതാവ് തന്റെ പിതാവ് കെ. ചന്ദ്രശേഖർ റാവു (കെസിആർ) സിബിഐ അന്വേഷണം നേരിടുകയാണെന്ന് കവിത ആരോപിച്ചിരുന്നു.

ALSO READ: പിതാവ് കെ.സി.ആറിനെ ബലിയാടാക്കി പാർട്ടിയിലെ തന്നെ ആളുകൾ കോടീശ്വരന്മാരാകുന്നു; ആരോപണത്തിന് പിന്നാലെ കെ. കവിതയെ സസ്‌പെൻഡ് ചെയ്ത് ബിആർഎസ് 

“കെസിആറും കെടിആറും എന്റെ കുടുംബമാണ്, എന്റെ രക്തബന്ധത്തിൽപ്പെട്ടവർ. പക്ഷേ, ചിലർ അവരുടെ രാഷ്ട്രീയ-വ്യക്തിഗത നേട്ടങ്ങൾക്കായി ഞങ്ങളുടെ കുടുംബത്തെ തകർക്കാൻ ശ്രമിക്കുകയാണ്,” കവിത പറഞ്ഞു. ബിആർഎസിലെ നിക്ഷിപ്ത താൽപ്പര്യക്കാർ തന്റെ സസ്പെൻഷന് വേണ്ടി പിതാവിന് മേൽ സമ്മർദ്ദം ചെലുത്തിയതായും കവിത ആരോപിച്ചു. 

“ഈ നേതാക്കളുടെ യഥാർത്ഥ ഉദ്ദേശ്യമെന്താണെന്ന് പിതാവ് പരിശോധിക്കണം. അവർ ബിആർഎസ് കുടുംബത്തെ തകർത്തു,” കവിത കൂട്ടിച്ചേർത്തു.

തെലങ്കാന മുഖ്യമന്ത്രി രേവന്ത് റെഡ്ഡി ബിആർഎസിലെ രാജ്യദ്രോഹികളുമായി ഒത്തുകളിച്ച് കുടുംബം നശിപ്പിക്കാൻ പദ്ധതിയിട്ടതായും കവിത ആരോപിച്ചു. ഹരീഷ് റാവുവും റെഡ്ഡിയും ഒരുമിച്ച് നടത്തിയ ഒരു വിമാന യാത്രയിലാണ് ഈ ഗൂഢാലോചന തയ്യാറാക്കിയെന്നും, കലേശ്വരം പദ്ധതിയിൽ ഹരീഷിനെതിരെ രേവന്ത് റെഡ്ഡി നടപടിയെടുത്തില്ലെന്നും കവിത പറഞ്ഞു.

ALSO READ: ആധാർ പൗരത്വരേഖയല്ലെന്ന് ആവർത്തിച്ച് സുപ്രിംകോടതി; ആധാറിന്റെ പദവി ഉയർത്തില്ല 

തന്റെ പിതാവിനെയും സഹോദരൻ കെടിആറിനെയും തോൽപ്പിക്കാൻ ഹരീഷ് റാവു തെരഞ്ഞെടുപ്പിൽ പണം ചെലവഴിച്ചതായും കവിത ആരോപിച്ചു. “എനിക്കെതിരായ ഗൂഢാലോചനകളെക്കുറിച്ച് ഞാൻ കെടിആറിനോട് പറഞ്ഞു. പാർട്ടി എംഎൽസിയായ ഞാൻ പരാതിപ്പെട്ടിട്ടും അദ്ദേഹം നടപടിയെടുത്തില്ല. അണ്ണാ, നിങ്ങൾ എന്തെങ്കിലും ചെയ്തോ?” കവിത ചോദിച്ചു. കലേശ്വരം പദ്ധതിയിലെ അഴിമതിയിൽ ഹരീഷ് റാവുവും സന്തോഷ് റാവുവും ചേർന്ന് കെസിആറിനെ കുടുക്കിയെന്ന് നേരത്തേ കവിത ആരോപിച്ചിരുന്നു. 

k. kavitha resigned from the bharat rashtra samithi (brs) soon after being suspended from the party. kavitha said her relatives were trying to break up the family, sparking political debate in the state.