ദുബൈ: ലോകത്തിലെ ഏറ്റവും തിരക്കേറിയ അന്താരാഷ്ട്ര വിമാനത്താവളമായ ദുബൈ അന്താരാഷ്ട്ര വിമാനത്താവളത്തിൽ ഇനി നിമിഷ നേരം കൊണ്ട് ഇമി​ഗ്രേഷൻ നടപടികൾ പൂർത്തിയാക്കാം. യാത്രാക്കാർക്ക് നിമിഷങ്ങൾക്കുള്ളിൽ പാസ്‌പോർട്ട് പരിശോധന പൂർത്തിയാക്കാൻ വിമാനത്താവളത്തിൽ ദിവസങ്ങൾക്ക് മുമ്പ് എഐ അധിഷ്ഠിത ‘റെഡ് കാർപെറ്റ്’ സ്മാർട്ട് ഇടനാഴി അവതരിപ്പിച്ചിരുന്നു. ടെർമിനൽ 3-ൽ ആരംഭിച്ച ഈ സംവിധാനം, യാത്രാ രേഖകളില്ലാതെ 6-14 സെക്കൻഡിനുള്ളിൽ പാസ്‌പോർട്ട് ക്ലിയറൻസ് സാധ്യമാക്കുന്നു. ഒരേസമയം 10 യാത്രക്കാരെ കൈകാര്യം ചെയ്യാൻ ശേഷിയുള്ള ഈ AI-പവേർഡ് സിസ്റ്റം, ബയോമെട്രിക് സാങ്കേതികവിദ്യയും ഉയർന്ന സുരക്ഷാ മാനദണ്ഡങ്ങളും സമന്വയിപ്പിച്ചാണ് നിർമിച്ചിട്ടുള്ളത്.

ALSO READ: ഗള്‍ഫിലും വില കുതിക്കുന്നു, സൗദിയില്‍ ഗ്രാമിന് 400 കടന്നു, എങ്കിലും പ്രവാസികള്‍ക്ക് ലാഭം; കേരളത്തിലെയും ഗള്‍ഫിലെയും സ്വര്‍ണവില ഒരു താരതമ്യം | Gold Price in GCC & Kerala 

ജനറൽ ഡയറക്ടറേറ്റ് ഓഫ് ഐഡന്റിറ്റി ആൻഡ് ഫോറിനേഴ്‌സ് അഫയേഴ്‌സുമായി (GDFRA) സഹകരിച്ചാണ് എയർപോർട്ട് അധികൃതർ ഈ സംവിധാനം വികസിപ്പിച്ചത്. മുഖം സ്കാൻ ചെയ്യാൻ കഴിയുന്ന സെൻസറുകൾ വഴി, കൗണ്ടറുകളോ രേഖാ പരിശോധനയോ ഇല്ലാതെ ഇമിഗ്രേഷൻ പൂർത്തിയാക്കാം.

ALSO READ: വിമാന ടിക്കറ്റ് നിരക്കില്‍ കുറവില്ല: യുഎഇയില്‍ എത്താനാകാതെ പ്രവാസി വിദ്യാര്‍ഥികള്‍; ഹാജര്‍ പണി കൊടുക്കുമെന്ന് ആശങ്ക 

‘റെഡ് കാർപെറ്റ്’ കോറിഡോർ കുടുംബങ്ങൾക്കും സം​ഘം ചേർന്നുള്ള യാത്രക്കാർക്കും ഒരേസമയം കടന്നുപോകാൻ സൗകര്യമൊരുക്കും. ഇത് മനുഷ്യ ഇടപെടൽ കുറയ്ക്കുകയും കാത്തിരിപ്പ് സമയം കുറച്ച് വിമാനത്താവളത്തിന്റെ കാര്യശേഷി വർധിപ്പിക്കുകയും ചെയ്യും. 2024-ൽ ലോകത്തെ ഏറ്റവും തിരക്കേറിയ അന്താരാഷ്ട്ര വിമാനത്താവളമെന്ന സ്ഥാനം ദുബൈ അന്താരാഷ്ട്ര വിമാനത്താവളം നിലനിർത്തിയിരുന്നു. പുതിയ സാങ്കേതികവിദ്യ വഴി ആഗോള യാത്രാ കേന്ദ്രമെന്ന ദുബൈയുടെ പ്രതിച്ഛായ ശക്തിപ്പെടുത്തുമെന്നാണ് കരുതുന്നത്. 

dubai airport has introduced advanced immigration systems that allow passengers to clear formalities within moments, eliminating long queues. the move enhances travel convenience, boosts efficiency, and strengthens dubai’s position as a global aviation hub.