അടൂര്‍: പത്തനംതിട്ട നഗരത്തില്‍ തെരുവ് നായ ആക്രമണം. 11 പേര്‍ക്ക് കടിയേറ്റു. ഇന്ന് ഉച്ചയോടെയാണ് സംഭവം. പരിക്കേറ്റവരെ പത്തനംതിട്ട ജനറല്‍ ആശുപത്രിയില്‍ പ്രവേശിപ്പിച്ചു. ഇതില്‍ ഒരാളുടെ നില അതീവ ഗുരുതരമാണ്. ഇയാളെ കോട്ടയം മെഡിക്കല്‍ കോളജ് ആശുപത്രിയിലേക്ക് മാറ്റി. 

ഒമല്ലൂര്‍, പുത്തന്‍പീടിക, സന്തോഷ് ജംഗ്ഷന്‍, കോളജ് ജംഗ്ഷന്‍ തുടങ്ങിയ സ്ഥലങ്ങളിലാണ് നായയുടെ ആക്രമണമുണ്ടായത്. 

ALSO READ: മത്സ്യബന്ധന വള്ളത്തിൽ തീപിടുത്തം: ഉപകരണങ്ങൾ കത്തിനശിച്ചു, മൂന്ന് ലക്ഷം രൂപയുടെ നഷ്ടം 

അതേസമയം ഒരിടവേളക്ക് ശേഷം സംസ്ഥാനത്തെ വിവിധയിടങ്ങളില്‍ തെരുവ് നായ ആക്രമണം വീണ്ടും തുടരുകയാണ്. കഴിഞ്ഞ ദിവസം കണ്ണൂര്‍ ചെറുവാഞ്ചേരിയില്‍ തെരുവ് നായയുടെ കടിയേറ്റ് പത്ത് പേര്‍ക്ക് പരിക്കേറ്റിരുന്നു. രണ്ട് ദിവസങ്ങള്‍ക്കിടയിലായി വിവിധ സ്ഥലങ്ങളില്‍ വെച്ചാണ് നായയുടെ ആക്രമണമുണ്ടായത്. കടകളിലെ ജീവനക്കാര്‍ക്കും, സ്‌കൂട്ടര്‍ യാത്രികര്‍ക്കും, ഇതര സംസ്ഥാന തൊഴിലാളികള്‍ക്കും ആക്രമണത്തില്‍ പരിക്കേറ്റിരുന്നു. ഇവര്‍ തൊട്ടടുത്ത ആശുപത്രികളില്‍ ചികിത്സ തേടുകയും ചെയ്തു. 

ആഗസ്റ്റ് 28ന്  പാലക്കാട് ചിറ്റൂരില്‍ 11 വയസുകാരനെ പത്തിലധികം നായകള്‍ കൂട്ടമായി ആക്രമിച്ച വാര്‍ത്തയും റിപ്പോര്‍ട്ട് ചെയ്തിരുന്നു. രാവിലെ മദ്രസിയിലേക്ക് പോകുന്ന വഴിയാണ് കുട്ടിക്ക് നായയുടെ കടിയേറ്റത്. അന്നേദിവസം കോഴിക്കോട് ചെറുവണ്ണൂര്‍ ആവളയിലും നായയുടെ ആക്രമണമുണ്ടായിട്ടുണ്ട്. സംഭവത്തില്‍ അഞ്ച് പേര്‍ക്കാണ് നായയുടെ കടിയേറ്റത്. 

stray dog attacked people in Pathanamthitta town this afternoon. 11 people were bitten in the incident. All the injured were taken to Pathanamthitta General Hospital. One person is seriously injured and has been moved to Kottayam Medical College Hospital