തിരുവനന്തപുരം: സന്തോഷത്തിന്റെയും സമൃദ്ധിയുടേയും നിറവില്‍ ലോകമെമ്പാടുമുള്ള മലയാളികള്‍ക്കിന്ന് തിരുവോണാഘോഷം.  പൂക്കളവും ഓണക്കോടിയും സദ്യയുമൊരുക്കി നാടും നഗരവും ഒരുങ്ങിക്കഴിഞ്ഞു മാവേലിയെ വരവേല്‍ക്കാന്‍. ലോകത്തെവിടെയാണെങ്കിലും ഒത്തുചേരലിന്റെ അവസരം കൂടിയാണ് ഈ ഓണദിനങ്ങള്‍.

കള്ളവും ചതിയും ഇല്ലാത്തൊരു ഭൂതകാലത്തിലേക്കുള്ള മലയാളിയുടെ ഗൃഹാതുരമായ യാത്ര കൂടിയാണ് ഓണം. ഐശ്വര്യവും സമൃദ്ധിയും കൊണ്ട് സമ്പന്നമായ ഒരു കാലത്തിന്റെ ഓര്‍മകളുമായി സമത്വസുന്ദരമായ ഒരു ലോകം ആവിഷ്‌കരിക്കാന്‍ ഓരോ മലയാളിയും ശ്രമിക്കുന്നു.

തുമ്പയും മുക്കുറ്റിയും കാക്കപ്പൂവുമൊക്കെ നിറഞ്ഞ തൊടികളും പത്തായം നിറയ്ക്കലുമൊക്കെ ഇന്ന് അന്യമായെങ്കിലും പൂക്കളമൊരുക്കിയും ഒത്തൊരുമിച്ചും മലയാളി ഓണത്തിന്റെ ആത്മാവിനെ ചേര്‍ത്തുപിടിക്കുകയാണ്. അത്തം മുതല്‍ മണ്ണിലും മനസ്സിലും നിറഞ്ഞുനിന്ന പൂവിളികള്‍ക്ക് ഇന്ന് പാരമ്യമാവുകയാണ്.

ALSO READ: സ്നേഹ പ്രകീർത്തനത്തിൽ ലോകം: തിരുപ്പിറവി ദിനം ഇന്ന് 

ഓണക്കോടിയുടുത്ത് പൂക്കളമിട്ടു കഴിഞ്ഞാല്‍ പിന്നെ അടുക്കളയില്‍ സദ്യവട്ടങ്ങളൊരുക്കുന്ന തിരക്കാണ്. രുചിഭേദങ്ങളുടെ കലവറ തീര്‍ക്കുന്ന സദ്യ തൂശനിലയില്‍ത്തന്നെ വിളമ്പുന്നതും ഒരു ചടങ്ങു തന്നെയാണ്. 
കാലം മുന്നോട്ട് പോയതിനനുസരിച്ച് ഓണാഘോഷത്തിന്റെ കെട്ടിലും മട്ടിലും മാറ്റം വന്നിട്ടുണ്ട്. എങ്കിലും മാറ്റൊട്ടും കുറയാത മലയാളികള്‍ എന്നും ഓണമാഘോഷിക്കുന്നു. 

Thiruvonam, the grand festival of Malayalis, is celebrated with joy and prosperity by Malayalis across the world. Homes and cities are decorated with floral carpets (pookkalam), traditional attire (onakkodi), and sumptuous feasts (onasadya) to welcome the legendary King Mahabali. Onam is not only a festival but also a nostalgic journey to a past imagined as free of deceit and filled with equality, prosperity, and happiness. It reflects the Malayali aspiration to recreate such a harmonious world today.