ബെംഗളൂരു: ധര്‍മസ്ഥല കേസില്‍ ലോറി ഉടമ മനാഫിനോട് അന്വേഷണത്തിന് ഹാജരാകാന്‍ നോട്ടീസ് നല്‍കി എസ്.ഐ.ടി. നാളെ രാവിലെ 10 മണിക്ക് ബെല്‍ത്തങ്ങാടി പൊലിസ് സ്റ്റേഷനില്‍ ഹാജരാകാനാണ് നിര്‍ദേശം. ഹാജരായില്ലെങ്കില്‍ തുടര്‍നടപടി സ്വീകരിക്കുമെന്നും നോട്ടീസില്‍ വ്യക്തമാക്കിയിട്ടുണ്ട്. 

ധര്‍മ്മസ്ഥലയിലെ കൂട്ടക്കൊലയുമായി ബന്ധപ്പെട്ട് നിരവധി വീഡിയോകള്‍ തന്റെ യൂട്യൂബ് ചാനലില്‍ മനാഫ് പങ്കുവെച്ചിരുന്നു. ഇതിന്റെ അടിസ്ഥാനത്തിലാണ് മനാഫിനെതിരെ അന്വേഷണം നടക്കുന്നത്. കയ്യിലുള്ള തെളിവുകളും, ഡിജിറ്റല്‍ രേഖകളും ഹാജരാക്കണമെന്നും അന്വേഷണ സംഘം നിര്‍ദേശം നല്‍കിയിട്ടുണ്ട്. വ്യാജരേഖ ചമയ്ക്കല്‍, വ്യാജരേഖ ഉപയോഗിക്കല്‍ തുടങ്ങി നിരവധി കുറ്റങ്ങളാണ് കേസില് ഉള്‍പ്പെടുത്തിയിട്ടുള്ളത്. നിലവില്‍ മനാഫിനെ കേസില്‍ പ്രതി ചേര്‍ത്തിട്ടില്ലെന്നാണ് റിപ്പോര്‍ട്ട്. 

എന്നാല്‍ നാളെ ഹാജരാകാന്‍ സാധിക്കില്ലെന്ന് മനാഫ് അന്വേഷണ സംഘത്തെ അറിയിച്ചതായാണ് റിപ്പോര്‍ട്ട്. പകരം തിങ്കളാഴ്ച്ച ഹാജരാകുമെന്നും അറിയിച്ചിട്ടുണ്ട്. 

ALSO READ: അങ്കമാലി സ്റ്റേഷനിലും പൊലിസിന്റെ അക്രമം: പരാതിയുമായി ഓട്ടോ ഡ്രൈവർ; കേരളത്തിൽ കസ്റ്റഡി അതിക്രമങ്ങൾ തുടരുന്നു

ധര്‍മ്മസ്ഥല കേസുമായി ബന്ധപ്പെട്ട് നടന്ന അന്വേഷണത്തിന്റെ വിവിധ വീഡിയോകളാണ് തന്റെ ' ലോറി ഉടമ മനാഫ്' എന്ന യൂട്യൂബ് ചാനലിലൂടെ മനാഫ് പങ്കുവെച്ചത്. എന്നാല്‍ നാടകീയ രംഗങ്ങള്‍ക്കൊടുവില്‍ വെളിപ്പെടുത്തല്‍ നടത്തിയ ശുചീകരണ തൊഴിലാളിയെ പ്രതിയാക്കി അന്വേഷണം മാറിയതോടെ മാനഫടക്കമുള്ളവര്‍ക്കെതിരെയും നടപടി എടുക്കുകയായിരുന്നു. അതിനിടെ മനാഫ് ഒളിവില്‍ പോയെന്ന റിപ്പോര്‍ട്ടും പുറത്തുവന്നിരുന്നു. പിന്നാലെ വാര്‍ത്ത വ്യാജമാണെന്ന് ചൂണ്ടിക്കാട്ടി മനാഫ് രംഗത്തെത്തി. കേരളത്തിലെ ജനങ്ങളെ വിവരമറിയിക്കുക മാത്രമാണ് താന്‍ ചെയ്തതെന്നാണ് മനാഫ് പറയുന്നത്.

Special Investigation Team (SIT) has issued a notice to lorry owner Manaf, directing him to appear for questioning for dharmasthala case