ഓണത്തിന ഡയറ്റ് കാരണം പായസം കുടിക്കാന്‍ പറ്റാത്തവര്‍ക്ക് ഈ പായസം എന്തായാലും കുടിക്കാം. കാരണം ഇതില്‍ പഞ്ചസാരയില്ല. മധുരത്തിനായി ഈത്തപ്പഴമാണ് ഉപയോഗിക്കുന്നത്. പാലാണെങ്കില്‍ കൊഴുപ്പ് കുറഞ്ഞതും. ഓട്‌സില്‍ ധാരാളം നാരുകളുള്ളതിനാല്‍ വയര്‍ നിറയുകയും പഞ്ചസാരയുടെ അളവ് നിയന്ത്രിക്കുകയും ചെയ്യും. അപ്പോ പായസം കുടിക്കാന്‍ ഇനി മറന്നുപോവണ്ട. 

റോള്‍ഡ് ഓട്‌സ് - അര കപ്പ്
പാല്‍ - കൊഴുപ്പ് കുറഞ്ഞത് - 3 കപ്പ്
ഈത്തപ്പഴം -10
ഏലയ്ക്കാ പൊടി - കാല്‍ ടീസ്പൂണ്‍
അലങ്കരിക്കാന്‍ കുറച്ച് കശുവണ്ടിയോ പിസ്തയോ ചേര്‍ക്കാവുന്നതാണ്.

ഉണ്ടാക്കുന്ന വിധം

ഒരു പാന്‍ ചൂടാകുമ്പോള്‍ അതിലേക്ക് ഓട്‌സ് ഇട്ട് ചെറുതായി വറുക്കുക. അതിലേക്ക് പാല്‍ ചേര്‍ത്ത് നന്നായി തിളപ്പിക്കുക. ക്രീമി ടെക്‌സ്ചറാവുന്നതു വരെ വേവിക്കണം. ഇതിലേക്ക് ഈത്തപ്പഴം കുരുകളഞ്ഞ് അരിഞ്ഞോ ചതച്ചോ ഇടുക. അല്‍പം നെയ്യും കൂടെ ചേര്‍ക്കുക. ഒരു പാന്‍ ചൂടാക്കി അതിലേക്ക് അണ്ടിപ്പരിപ്പും മറ്റു നട്‌സകുളുമിട്ട് കോരിയെടുത്ത് പായസത്തിനു മുകളിലേക്കിടുക. അടി പൊളി പായസം റെഡി. 

ALSO READ: ഓണം കളറാക്കാന്‍ ആപ്പിള്‍- സേമ്യ പായസം

If you're someone who avoids payasam during festivals like Onam because of diet restrictions or sugar concerns, here’s some great news — you can enjoy this one without worry!