തിരുവനന്തപുരം: ജിഎസ്ടി പരിഷ്കാരങ്ങളുമായി ബന്ധപ്പെട്ട വിവാദ പോസ്റ്റിന് പിന്നാലെ കോൺഗ്രസ് കേരള ഘടകത്തിന്റെ സോഷ്യൽ മീഡിയ വിങ്ങിന്റെ ചുമതലയൊഴിഞ്ഞ് വി.ടി. ബൽറാം എംഎൽഎ. ബീഡിയുടെ ജിഎസ്ടി നിരക്ക് കുറച്ചതിനെ 'ബീഡിയും ബിഹാറും 'ബി'യിലാണ് തുടങ്ങുന്നത്, അതിനെ ഇനി പാപമായി കണക്കാക്കാനാവില്ല' എന്ന് താരതമ്യപ്പെടുത്തി കോൺഗ്രസ് കേരളയുടെ എക്സ് (മുൻ ട്വിറ്റർ) ഹാൻഡിലിൽ പ്രത്യക്ഷപ്പെട്ട പോസ്റ്റാണ് വൻ വിവാദങ്ങൾക്ക് വഴിയൊരുക്കിയത്. ഈ പോസ്റ്റ് ബിഹാറിനെ അവഹേളിച്ചുവെന്ന് ആരോപിച്ച്  എഐസിസിയും സംസ്ഥാന നേതൃത്വത്തോട് കടുത്ത അതൃപ്തി പ്രകടിപ്പിച്ചു.

ALSO READ: കുന്നംകുളം കസ്റ്റഡി മർദനം: ദൃശ്യങ്ങൾ പുറത്തുവന്നതിന് പിന്നാലെ മുഖ്യമന്ത്രിക്കൊപ്പം ഓണസദ്യ കഴിച്ചത് 'മോശമായിപ്പോയി'; സതീശനെതിരെ രൂക്ഷ വിമർശനവുമായി കെ. സുധാകരൻ  

പോസ്റ്റ് പിൻവലിച്ച് ഖേദം പ്രകടിപ്പിച്ചെങ്കിലും വിവാദം വലുതായതോടെ കെപിസിസി അധ്യക്ഷൻ സണ്ണി ജോസഫ് വിശദീകരണം തേടി. "അത്തരത്തിലൊരു പോസ്റ്റ് വന്നത് തെറ്റായിപ്പോയി, പിശക് പറ്റിയതാണെന്നും ജാഗ്രതക്കുറവും സൂക്ഷ്മതക്കുറവും വിഷയത്തിൽ ഉണ്ടായെന്നും അറിയുന്നു. ഉത്തരവാദികളായ അഡ്മിൻമാരും ഓപ്പറേറ്റർമാരും ഖേദം പ്രകടിപ്പിച്ചിട്ടുണ്ട്. കോൺഗ്രസ് ഒരിക്കലും അംഗീകരിക്കുന്ന നിലപാടല്ല അത്," എന്ന് സണ്ണി ജോസഫ് വ്യക്തമാക്കി. സോഷ്യൽ മീഡിയ വിങ്ങിന്റെ ചുമതല വി.ടി. ബൽറാമിനാണെന്നും അദ്ദേഹവുമായി സംസാരിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.

ALSO READ: യൂത്ത് കോൺഗ്രസ് സംസ്ഥാന അധ്യക്ഷ പ്രഖ്യാപനം ഉടൻ; കെ.എം. അഭിജിത്ത്, അബിൻ വർക്കി, ബിനു ചുള്ളിയിൽ എന്നിവർ പരി​ഗണനയിൽ

വിവാദത്തിന് പിന്നാലെയാണ് ബൽറാം സ്ഥാനമൊഴിഞ്ഞതെങ്കിലും, തീരുമാനം നേരത്തെ എടുത്തതാണെന്നും ബിഹാർ-ബീഡി വിവാദവുമായി ബന്ധമില്ലെന്നും അദ്ദേഹം വിശദീകരിച്ചു. "സോഷ്യൽ മീഡിയ ടീം പുനഃസംഘടിപ്പിക്കാനുള്ള തീരുമാനം നേരത്തെ എടുത്തിരുന്നു. കെപിസിസി പ്രസിഡന്റ് ചുമതലയേറ്റപ്പോൾ തന്നെ ഇക്കാര്യം അറിയിച്ചിരുന്നു. വിവാദവുമായി യാതൊരു ബന്ധവുമില്ല," എന്ന് ബൽറാം പറഞ്ഞു. പോസ്റ്റിനെക്കുറിച്ച് തനിക്ക് അറിവുണ്ടായിരുന്നില്ലെന്നും, അത്തരമൊരു പോസ്റ്റ് ഒഴിവാക്കേണ്ടതായിരുന്നുവെന്നും അദ്ദേഹം സമ്മതിച്ചു. തിരഞ്ഞെടുപ്പുകൾ അടുത്തിരിക്കെ പാർട്ടിക്ക് പുതിയ സോഷ്യൽ മീഡിയ ടീം ആവശ്യമാണെന്നും, ഇതുസംബന്ധിച്ച വിശദമായ റിപ്പോർട്ട് സമർപ്പിച്ചിട്ടുണ്ടെന്നും ബൽറാം കൂട്ടിച്ചേർത്തു.

ALSO READ: കുന്നംകുളം കസ്റ്റഡി മർദനം: പ്രതികളായ പൊലിസ് ഉദ്യോഗസ്ഥരെ സസ്പെൻഡ് ചെയ്യാൻ ഡിഐജിയുടെ ശുപാർശ

കെപിസിസി ഡിജിറ്റൽ മീഡിയ സെൽ ഉടൻ പുനഃസംഘടിപ്പിക്കുമെന്നും സണ്ണി ജോസഫ് അറിയിച്ചു. ബിഹാറിൽ രാഹുൽ ഗാന്ധിയുടെ വോട്ട് അധികാർ യാത്ര സമാപിച്ചതിന് തൊട്ടുപിന്നാലെ വന്ന പോസ്റ്റ്, ഇന്ത്യാ സഖ്യത്തിന്റെ മുന്നേറ്റത്തിന് മങ്ങലേൽപ്പിക്കുന്നതാണെന്ന വിമർശനവും പാർട്ടിക്കുള്ളിൽ ഉയർന്നിരുന്നു. ജിഎസ്ടി കൗൺസിൽ തീരുമാനപ്രകാരം ബീഡിക്ക് 28%ൽ നിന്ന് 18% ആയി നികുതി കുറച്ചതും, പുകയില, സിഗരറ്റുകൾക്ക് 40% എന്ന പുതിയ സ്ലാബ് നിർദേശിച്ചതുമാണ് പോസ്റ്റിന്റെ പശ്ചാത്തലം.

ALSO READ: കൊല്ലത്ത് തിരുവോണ ദിനത്തിൽ ക്ഷേത്രമുറ്റത്ത് പൂക്കളമിട്ടതിനെ ചൊല്ലിയുണ്ടായ തർക്കം; ആർഎസ്എസ് പ്രവർത്തകർക്കെതിരെ കേസെടുത്ത് പൊലിസ്

V.T. Balram resigned as the head of KPCC's social media wing following a controversy over a post linking beedi and Bihar, which sparked criticism from BJP and AICC. The post, deemed offensive, was withdrawn with an apology from KPCC President Sunny Joseph, who cited a lapse in caution. The party plans to restructure its digital wing to prevent such issues.