കൊച്ചി: മകളെ കൊലപ്പെടുത്തിയ ശേഷം ഷാർജയിൽ ജീവനൊടുക്കിയ വിപഞ്ചിക കേസിൽ ഷാർജയിലേക്ക് അന്വേഷണം വ്യപിക്കാനുള്ള നടപടി തുടങ്ങി ക്രൈംബ്രാഞ്ച്. യുവതിയുടെ മരണം വിദേശ രാജ്യത്ത് ആയിരുന്നതിനാൽ ഷാർജയിൽ എത്തി തെളിവുകൾ ശേഖരിക്കാൻ ഇന്ത്യൻ വിദേശകാര്യ മന്ത്രാലയത്തിന്റെ അനുവാദം ആവശ്യമാണ്.

ALSO READ: ഷാർജയിൽ മലയാളി വിപഞ്ചികയുടെയും മകളുടെയും മരണം: അന്വേഷണം ക്രൈംബ്രാഞ്ചിന് 

ഇതിനുള്ള അനുവാദം ലഭിക്കുന്നതിനുള്ള നടപടികൾ സ്വീകരിച്ചതായി അന്വേഷണ ഉദ്യോഗസ്ഥൻ വ്യക്തമാക്കി. യുവതിയുടെ ഭർത്താവ് നിതീഷിന്റെയും വീട്ടുകാരുടെയും പീഡനത്തെ തുടർന്നാണ് വിപഞ്ചിക ജീവനൊടുക്കിയതെന്ന യുവതിയുടെ മാതാവിന്റെ പരാതിയിൽ കുണ്ടറ പൊലിസ് കേസ് രജിസ്റ്റർ ചെയ്തിരുന്നു. ഇത് പിന്നീട് ക്രൈംബ്രാഞ്ചിന് കൈമാറുകയായിരുന്നു.

ജൂലൈ 8-ന് രാത്രിയാണ് ഷാർജയിലെ അൽ നഹ്ദയിലെ താമസസ്ഥലത്ത് വിപഞ്ചികയെയും മകളെയും മരിച്ച നിലയിൽ കണ്ടെത്തിയത്. വിപഞ്ചികയുടെ മരണത്തിൽ ദുരൂഹത ആരോപിച്ച് അമ്മ ശൈലജ നൽകിയ പരാതിയുടെ അടിസ്ഥാനത്തിൽ കുണ്ടറ പൊലിസ് കേസെടുത്തിരുന്നു. കേസിന്റെ ഗൗരവം കണക്കിലെടുത്ത് കുണ്ടറ പൊലിസ് തന്നെ അന്വേഷണം ക്രൈംബ്രാഞ്ചിന് കൈമാറണമെന്ന് ആവശ്യപ്പെട്ട് റൂറൽ എസ്പിക്ക് റിപ്പോർട്ട് സമർപ്പിച്ചിരുന്നു. തുടർന്നാണ് ആഭ്യന്തര വകുപ്പ് കേസ് ക്രൈംബ്രാഞ്ചിന് കൈമാറി ഉത്തരവിറക്കിയത്. 

ALSO READ: ഷാർജയിൽ മലയാളി യുവതിയുടെ മരണം: മൃതദേഹം നാട്ടിലെത്തിച്ചു സംസ്കരിച്ചു; പ്രതിക്കായി ലുക്കൗട്ട് നോട്ടീസ് 

വിപഞ്ചികയുടെ ശരീരത്തിൽ ചതവുകളും അടിയേറ്റ പാടുകളും കണ്ടെത്തിയതായി അന്വേഷണ ഉദ്യോഗസ്ഥർ വെളിപ്പെടുത്തിയിരുന്നു. ശാസ്താംകോട്ട ഡിവൈഎസ്പി മുകേഷ് ജി. ബിയുടെ നേതൃത്വത്തിൽ നടത്തിയ ഇൻക്വസ്റ്റ് നടപടികളിലാണ് ഇക്കാര്യം വ്യക്തമായത്. തിരുവനന്തപുരം മെഡിക്കൽ കോളജ് ആശുപത്രിയിലായിരുന്നു റീ-പോസ്റ്റ്മോർട്ടം നടപടികൾ നടത്തിയത്. നടപടികൾ വീഡിയോയിൽ ചിത്രീകരിക്കുകയും ചെയ്തിരുന്നു. തഹസിൽദാർ ലീന ശൈലേശ്വറിന്റെ സാന്നിധ്യത്തിൽ ഇൻക്വസ്റ്റും പൂർത്തിയാക്കിയിരുന്നു.

The Crime Branch is set to broaden its investigation into the Vipanchika case by extending its reach to Sharjah. The team is awaiting approval from the Ministry of External Affairs to proceed with the international investigation.