തിരുവനന്തപുരം: ശ്രീകാര്യം പൗഡിക്കോണം പനങ്ങോട്ടുകോണത്ത് മദ്യപാന്‍മാരായ ഒരുസംഘം മൂന്നുപേരെ കുത്തിപ്പരിക്കേല്‍പിച്ചു. പനങ്ങോട്ടുകോണം സ്വദേശികളായ രാജേഷ്, സഹോദരന്‍ രതീഷ്, ബന്ധുവായ രഞ്ജിത്ത് എന്നിവരെയാണ് കുത്തി പരിക്കേല്‍പ്പിച്ചിരിക്കുന്നത്. ഇന്നലെ രാത്രി 11 മണിയോടെയായിരുന്നു സംഭവം. അയല്‍വാസിയായ സഞ്ജയും സുഹൃത്തുക്കളും ചേര്‍ന്നാണ് മൂന്നു പേരെയും കുത്തിയിരിക്കുന്നത്.

 സഞ്ജയും സംഘവും മദ്യപിച്ച് വീടിന്റെ മുന്നില്‍ പരസ്പരം ചീത്ത വിളിച്ചതാണ് സംഭവങ്ങള്‍ക്ക് തുടക്കമായത്. ആ സമയം അവിടെയെത്തിയ രാജേഷും കുടുംബവും ഇതിനെ ചോദ്യം ചെയ്തു. തുടര്‍ന്നുണ്ടായ വാക്കു തര്‍ക്കത്തിനൊടുവില്‍ സഞ്ജയും സുഹൃത്തുക്കളും ചേര്‍ന്ന് മൂന്നു പേരെയും കുത്തി പരിക്കേല്‍പ്പിക്കുകയായിരുന്നു.

 ALSO READ: ആംബുലന്‍സില്‍ കര്‍ണാടകയില്‍ നിന്ന് എംഡിഎംഎ കടത്തിവരുകയായിരുന്ന ഡ്രൈവര്‍ കണ്ണൂരില്‍ അറസ്റ്റില്‍

രാജേഷിന്റെ കൈയിലാണ് കുത്തേറ്റത്. രതീഷിന്റെ മുതുകിലും രഞ്ജിത്തിന്റെ കാലിലും ആക്രമണത്തില്‍ പരിക്കേറ്റിട്ടുണ്ട്. മൂന്നു പേരെയും ആശുപത്രിയില്‍ പ്രവേശിപ്പിച്ചിരിക്കുകയാണ്. ശ്രീകാര്യം പൊലിസ് അന്വേഷണം ആരംഭിച്ചു. സഞ്ജയ് ഒളിവിലാണ് എന്നാണ് പൊലിസ് പറയുന്നത്. സ്ത്രീകളുടെ മുന്നില്‍ വച്ചായിരുന്നു ആക്രമണം.

Summary: A violent altercation broke out in Panangottukonam, Sreekariyam (Thiruvananthapuram), where three men were stabbed and injured by a group allegedly under the influence of alcohol. The victims—Rajesh, his brother Ratheesh, and their relative Ranjith—are residents of the same locality.