കൊച്ചി: ഐ.ഡി.ബി.ഐ ഫെഡറല്‍ ലൈഫ് ഇന്‍ഷുറന്‍സ് സ്‌പൈസ് കോസ്റ്റ് മാരത്തണ്‍ 2016 നുള്ള രജിസ്‌ട്രേഷന്‍ ആരംഭിച്ചു. ഈ വര്‍ഷം നവംബര്‍ 13 നാണ് മാരത്തണ്‍ നടക്കുക. യു.എസ് ട്രാക് ആന്‍ഡ് ഫീല്‍ഡ് സര്‍ട്ടിഫൈ ചെയ്തിട്ടുള്ള മാരത്തണില്‍ പങ്കെടുക്കുന്നവര്‍ക്ക് ബോസ്റ്റണ്‍, ലണ്ടന്‍ മാരത്തണുകള്‍ പോലെയുള്ള രാജ്യാന്തര മാരത്തണുകളില്‍ പങ്കെടുക്കാന്‍ അവസരം ലഭിക്കും. വേേു:ംംം.ുെശരലരീമേൊമൃമവേീി.രീാ എന്ന വെബ്‌സൈറ്റില്‍ രജിസ്‌ട്രേഷന്‍ ലഭ്യമാണ്.
രജിസ്‌ട്രേഷന്‍ നടപടികള്‍ക്ക് അശ്വിനി നാച്ചപ്പ, ഐ ഡി ബി ഐ ഫെഡറല്‍ സി.എം.ഒ കാര്‍ത്തിക് രാമന്‍, റേസ് ഡയറക്ടര്‍ രമേശ് കാഞ്ഞിലിമഠം എന്നിവര്‍ ചേര്‍ന്ന് കൊച്ചിയില്‍ തുടക്കം കുറിച്ചു. 42.2 കിലോമീറ്റര്‍ ഫുള്‍ മാരത്തണ്‍, 21.1 കി.മീ. ഹാഫ് മാരത്തണ്‍, 5 കി.മീ. ഫാമിലി റണ്‍, 21.1 കി.മീ. കോര്‍പ്പറേറ്റ് റിലേ എന്നിങ്ങനെ നാല് വിഭാഗങ്ങളായാണ് മാരത്തണ്‍ നടക്കുന്നത്. 950 രൂപ, 850, 500 രൂപ എന്നിങ്ങനെയാണ് ആദ്യ മൂന്നു വിഭാഗങ്ങള്‍ക്കുള്ള രജിസ്‌ട്രേഷന്‍ ഫീസ്.