ദുബൈ: രാജ്യത്തിന്റെ 54-ാമത് ദേശീയ ദിനം ഗംഭീരമായി ആഘോഷങ്ങളോട് കൊണ്ടാടാന്‍ ഒരുങ്ങി യുഎഇ. ഈദുല്‍ ഇത്തിഹാദിനോട് അനുബന്ധിച്ച് രാജ്യത്ത് ഡിസംബര്‍ രണ്ട്, മൂന്ന് തീയതികളില്‍ അവധി പ്രഖ്യാപിച്ചിട്ടുണ്ട്. 

ഡിസംബര്‍ ഒന്നിന് ആരംഭിക്കുന്ന അവധി നാല് ദിവസത്തെ വാരാന്ത്യം ലഭിക്കാനുള്ള സാധ്യതകള്‍ സൂചിപ്പിക്കുന്നു. ഇത് ചിലപ്പോള്‍ അഞ്ച് ദിവസം വരെ നീളാന്‍ സാധ്യതയുണ്ട്. എല്ലാ വര്‍ഷവും ഡിസംബര്‍ രണ്ടിനാണ് യുഎഇ ഈദുല്‍ ഇത്തിഹാദ് ആഘോഷിക്കുന്നത്. യുഎഇയുടെ പൈതൃകവും സംസ്‌കാരവും കൊണ്ടാടുന്ന ഈ ആഘോഷത്തില്‍ രാജ്യത്തെ പൗരന്മാരംു പ്രവാസികളും ഒരുപോലെ പങ്കെടുക്കാറുണ്ട്.

ALSO READ: പ്രവാസി വ്യവസായി ഹുസൈന്‍ ഖാന്‍ സാഹിബിന്റെ നിര്യാണം: കുടുംബത്തെ ആശ്വസിപ്പിക്കാന്‍ ശൈഖ് മുഹമ്മദ് എത്തി 

ഈദുല്‍ ഇത്തിഹാദിനോട് അനുബന്ധിച്ച് രാജ്യത്തെ പ്രധാന നേതാക്കളെല്ലാം ഒന്നിക്കുന്ന വലിയ ചടങ്ങ് ഇത്തവണയും ഉണ്ടാകുമെന്നാണ് സൂചന. ചടങ്ങിന്റെ വേദി ഇതുവരെ പ്രഖ്യാപിച്ചിട്ടില്ലെങ്കിലും ദേശീയ പ്രധാന്യം ഉള്ള ഒരിടത്ത് വെച്ചായിരിക്കും പരിപാടി നടക്കുക എന്നാണ് സൂചന. കഴിഞ്ഞ തവണ അല്‍ഐനിലെ ജബല്‍ ഹഫീത്തിലായിരുന്നു ആഘോഷങ്ങള്‍ അരങ്ങേറിയത്. എല്ലാ എമിറേറ്റുകളിലും പ്രത്യേക ആഘോഷങ്ങള്‍ ഉണ്ടാകും. കഴിഞ്ഞ തവണ ഫെസ്റ്റിവല്‍ പ്രൊമിനേഡ്, ദി ഔട്ട്‌ലെറ്റ് വില്ലേജ് മാള്‍, ഗ്ലോബല്‍ വില്ലേജ്, ഖുര്‍ആനിക് പാര്‍ക്ക് എന്നിവിടങ്ങളിലെല്ലാം വമ്പന്‍ ആഘോഷങ്ങള്‍ അരങ്ങേറിയിരുന്നു.

ഇത്തവണ രാജ്യത്ത് വസിക്കുന്ന വൈവധ്യമാര്‍ന്ന സമൂഹത്തെ ഒന്നിപ്പിക്കുന്ന അവിസ്മരണീയമായ അനുഭവം സൃഷ്ടിക്കാന്‍ തങ്ങള്‍ ഒരുമിച്ച് പ്രവര്‍ത്തിക്കുമെന്ന് ഈദുല്‍ ഇത്തിഹാദ് സ്ട്രാറ്റജിക് ആന്റ് ക്രിയേറ്റീവ് ഡയറക്ടര്‍ ഈസ അല്‍ സുബൂസി പറഞ്ഞു.

UAE is set to celebrate its National Day with grand preparations, with hints of up to five days of holidays. Learn more about the festive plans and what to expect this year.