ദോഹ: ഇരട്ടാത്താപ്പ് അവസാനിപ്പിച്ച് ഇസ്റാഈലിനെ ശിക്ഷിക്കാൻ അന്താരാഷ്ട്ര സമൂഹം തയ്യാറാകണമെന്ന് ഖത്തർ പ്രധാനമന്ത്രി ഷെയ്ഖ് മുഹമ്മദ് ബിൻ അബ്ദുൾറഹ്മാൻ അൽതാനി. ഗസ്സയിലെ ഇസ്റാഈൽ ആക്രമണം അവസാനിപ്പിക്കാൻ ഈജിപ്തുമായും യുഎസുമായും ഖത്തർ നടത്തുന്ന മധ്യസ്ഥ ശ്രമങ്ങൾ ദോഹയിലെ സയണിസ്റ്റ് ആക്രമണത്തിന്റെ പശ്ചാത്തലത്തിൽ തടയില്ലെന്നും അദ്ദേഹം കൂട്ടിച്ചേർത്തു.

ദോഹയിലെ ഹമാസ് നേതാക്കൾക്കെതിരെ ഇസ്റാഈൽ നടത്തിയ വ്യോമാക്രമണത്തിന് പിന്നാലെ ഖത്തർ വിളിച്ചുചേർത്ത അറബ്, ഇസ് ലാമിക നേതാക്കളുടെ അടിയന്തര ഉച്ചകോടിക്ക് മുമ്പായി നടന്ന വിദേശ കാര്യ മന്ത്രിമാരുടെ യോഗത്തിൽ സംസാരിക്കുകയായിരുന്നു അദ്ദേഹം.

ALSO READ: 'പോസിറ്റിവ് റിസല്‍ട്ട്‌സ്' ഖത്തര്‍-യുഎസ് ചര്‍ച്ചകള്‍ ഏറെ ഫലപ്രദമെന്ന് വൈറ്റ്ഹൗസ് വക്താവ്;  ഭാവി നീക്കങ്ങള്‍ ചര്‍ച്ച ചെയ്തു, ആക്രമണങ്ങള്‍ ചെറുക്കാന്‍ സുരക്ഷാപങ്കാളിത്തം ശക്തമാക്കും

"അന്താരാഷ്ട്ര സമൂഹം ഇരട്ടത്താപ്പ് അവസാനിപ്പിച്ച് ഇസ്റാഈലിനെ അവർ ചെയ്ത എല്ലാ കുറ്റകൃത്യങ്ങൾക്കും ശിക്ഷിക്കുകയും ചെയ്യേണ്ട സമയം അതിക്രമിച്ചിരിക്കുന്നു, ഫലസ്തീൻ ജനതയെ അവരുടെ നാട്ടിൽ നിന്ന് പുറത്താക്കുക എന്ന ലക്ഷ്യത്തോടെയുള്ള തുടർച്ചയായ വംശഹത്യ വിജയിക്കില്ലെന്ന് ഇസ്റാഈൽ അറിയേണ്ടതുണ്ട്," അദ്ദേഹം പറഞ്ഞു.

അടിയന്തര സംയുക്ത അറബ്-ഇസ് ലാമിക ഉച്ചകോടിക്കുള്ള വിദേശകാര്യ മന്ത്രിമാരുടെ യോഗം ഇന്ന് മുഹമ്മദിന്റെ നേതൃത്വത്തിൽ ദോഹയിൽ ഷെയ്ഖ് ചേർന്നിരുന്നു. 

ആറ് പേരുടെ മരണത്തിന് കാരണമായ വ്യോമാക്രമണം ഖത്തറിന്റെ പരമാധികാരത്തിന്റെയും അന്താരാഷ്ട്ര നിയമത്തിന്റെയും ലംഘനമാണെന്ന് അന്താരാഷ്ട്ര സമൂഹം വ്യക്തമാക്കിയിരുന്നു. ലോകമെമ്പാടും ഇസ്റാഈൽ ആക്രമണത്തെ അപലപിച്ച് രം​ഗത്ത് വരികയും ചെയ്തിരുന്നു.

ALSO READ: 'ബന്ദി മോചനത്തിന് തടസ്സം നില്‍ക്കുന്നത് നെതന്യാഹു, താമസിപ്പിക്കുന്ന ഓരോ നിമിഷവും മരണതുല്യം' പ്രധാന മന്ത്രിക്കെതിരെ പ്രതിഷേധത്തിരയായി ഇസ്‌റാഈല്‍ തെരുവുകള്‍, ഖത്തര്‍ ആക്രമണത്തിനും വിമര്‍ശനം

സഊദി വിദേശകാര്യ മന്ത്രി ഫൈസൽ രാജകുമാരൻ ഉൾപ്പെടെയുള്ള അറബ് ലീഗിലെയും ഇസ് ലാമിക് സഹകരണ സംഘടനയിലെയും അംഗരാജ്യങ്ങളുടെ വിദേശകാര്യ മന്ത്രിമാർ ഇന്നത്തെ യോ​ഗത്തിൽ പങ്കെടുത്തിരുന്നു.

സെപ്റ്റംബർ 9-നാണ് ഖത്തറിന്റെ തലസ്ഥാനമായ ദോഹയിൽ ഇസ്റാഈൽ വ്യോമാക്രമണം നടത്തിയത്. അമേരിക്കൻ പ്രസിഡന്റ് ഡൊണാൾഡ് ട്രംപിന്റെ പിന്തുണയോടെ മുന്നോട്ടുവച്ച വെടിനിർത്തൽ നിർദേശം ചർച്ച ചെയ്യാൻ ഹമാസ് ഉദ്യോഗസ്ഥർ ഒത്തുകൂടിയ കെട്ടിടത്തെ ലക്ഷ്യമിട്ടാണ് ആക്രമണം നടന്നത്. 15 ഇസ്റാഈൽ യുദ്ധവിമാനങ്ങൾ 10-ലധികം പ്രിസിഷൻ ബോംബുകൾ പ്രയോഗിച്ചതായി റിപ്പോർട്ടുകൾ വ്യക്തമാക്കുന്നു.

ആക്രമണത്തിൽ ഒരു ഖത്തർ സുരക്ഷാ ഉദ്യോഗസ്ഥനും ഹമാസിന്റെ മുതിർന്ന നേതാവ് ഖലീൽ അൽ ഹയ്യയുടെ മകനും ഉൾപ്പെടെ ആറ് പേർ കൊല്ലപ്പെട്ടിരുന്നു. ഇസ്റാഈൽ ആക്രമണം അറബ് രാഷ്ട്രങ്ങളുടെയും അന്താരാഷ്ട്ര നിരീക്ഷകരുടെയും കടുത്ത വിമർശനത്തിന് ഇടയാക്കിയിരുന്നു.

Qatar's Prime Minister calls on the international community to stop applying double standards and take firm action against Israel amid ongoing conflict and humanitarian concerns in Palestine.