വാണിയംകുളം: ഗ്രാമ പഞ്ചായത്ത്, കൃഷിഭവന്‍, ഒറ്റപ്പാലം ബ്ലോക്ക് പഞ്ചായത്ത് എന്നിവയുടെ സംയുക്താഭിമുഖ്യത്തില്‍ നടപ്പിലാക്കുന്ന ജൈവ കൃഷി വികസന പദ്ധതിയുടെ ഭാഗമായ നാട്ടുപച്ച ഇക്കോഷോപ്പ് പ്രവര്‍ത്തന ഉദ്ഘാടനം പി.കെ. ശശി എം.എല്‍.എ നിര്‍വ്വഹിച്ചു.
ഗ്രാമപഞ്ചായത്ത് പ്രസിഡന്റ് എം. പ്രിയ അധ്യക്ഷയായി.  ഇക്കോഷോപ്പുകള്‍ പുതിയ കാലത്തിന്റെ അനിവാര്യതയാണെന്ന് അദ്ദേഹം അഭിപ്രായപ്പെട്ടു. ജില്ലാ പഞ്ചായത്ത് മെമ്പര്‍ സന്ധ്യ ടീച്ചര്‍ ആദ്യ വില്പന നിര്‍വ്വഹിച്ചു.
വ്യാപാരി വ്യവസായി സമിതി പ്രതിനിധി എബ്രഹാം തമ്പി ഏറ്റുവാങ്ങി. നാട്ടുപച്ച ഇക്കോഷോപ്പ്  പ്രസിഡന്റ്  പി. വാസു സ്വാഗതവും കൃഷി ഓഫിസര്‍ ശരത് മോഹന്‍ നന്ദിയും പറഞ്ഞു.