ദുബൈ: 'യുഎഇ, ലോക സംരംഭകത്വ തലസ്ഥാനം' എന്ന പേരിൽ ഒരു പുതിയ കാമ്പയിൻ ആരംഭിച്ചിരിക്കുകയാണ് യുഎഇ. 10000 യുവസംരംഭകരെ പരിശീലിപ്പിക്കുക എന്നതാണ് കാമ്പയിനിന്റെ ലക്ഷ്യം. ഞായറാഴ്ച (21/09/2025) യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമാണ് ഈ പദ്ധതി പ്രഖ്യാപിച്ചത്. 

സർക്കാർ, സ്വകാര്യ മേഖലകളിൽ നിന്നായി 50-ലധികം സ്ഥാപനങ്ങൾ ഈ സംരംഭത്തിൽ പങ്കാളികളാണ്. ഈ പദ്ധതി യുവാക്കൾക്ക് ആയിരക്കണക്കിന് സാമ്പത്തിക അവസരങ്ങൾ സൃഷ്ടിക്കുമെന്നും അദ്ദേഹം വ്യക്തമാക്കി.

രാജ്യത്ത് നിലവിലുള്ള സാമ്പത്തിക വളർച്ചയുടെ പ്രാധാന്യം മനസ്സിലാക്കാനും, അതിന്റെ ഗുണഫലങ്ങൾ പ്രയോജനപ്പെടുത്തേണ്ടതിന്റെ ആവശ്യകതയെക്കുറിച്ച് ജനങ്ങളെ ബോധവത്കരിക്കാനും ഈ കാമ്പയിൻ സഹായിക്കുമെന്ന് അദ്ദേഹം കൂട്ടിച്ചേർത്തു. 

ALSO READ: മെസ്സിയുടെ പേര് ചാൻഡ് ചെയ്ത് അൽ-റിയാദ് ആരാധകർ; ഇരട്ട ഗോളുകളോടെ റൊണാൾഡോയുടെ മറുപടി

നിലവിൽ രാജ്യത്തിന്റെ സമ്പദ്‌വ്യവസ്ഥ വിവിധ വരുമാന സ്രോതസ്സുകളെ ആശ്രയിക്കുന്നുണ്ട്. എണ്ണ ഇതര ജിഡിപിയുടെ 63 ശതമാനത്തിലധികവും സംഭാവന ചെയ്യുന്നത് ചെറുകിട, ഇടത്തരം കമ്പനികളാണ്. കാപിറ്റൽ ഇക്കണോമിക്സിന്റെ റിപ്പോർട്ടിൽ പറയുന്നതനുസരിച്ച്, ടൂറിസം, റീട്ടെയിൽ, റിയൽ എസ്റ്റേറ്റ് എന്നിവയുടെ പിന്തുണയോടെ, ഈ വർഷം യുഎഇയുടെ എണ്ണ ഇതര സമ്പദ്‌വ്യവസ്ഥ 5.5 ശതമാനം വളർച്ച നേടുമെന്നാണ് പ്രതീക്ഷിക്കുന്നത്. ഇത് കഴിഞ്ഞ വർഷത്തെ അപേക്ഷിച്ച് വർധനവാണ്. ലോകത്തെ 56 പ്രമുഖ സമ്പദ്‌വ്യവസ്ഥകളിൽ ചെറുകിട, ഇടത്തരം സംരംഭങ്ങൾക്ക് മികച്ച ബിസിനസ് പരിസ്ഥിതി ഒരുക്കുന്നതിൽ യുഎഇ മുന്നിലാണ്.

മിഡിൽ ഈസ്റ്റിലും വടക്കേ ആഫ്രിക്കയിലും സ്റ്റാർട്ടപ്പ് ഫണ്ടിംഗ് വർധിച്ചിട്ടുണ്ട്. ഇക്കാരണത്താൽ തന്നെ യുഎഇ ഏറ്റവും വൈവിധ്യമാർന്ന സ്റ്റാർട്ടപ്പ് കേന്ദ്രങ്ങളിലൊന്നായി തുടരുന്നു. ഓഗസ്റ്റിൽ, 11 സ്റ്റാർട്ടപ്പുകൾക്കായി 154 മില്യൺ ഡോളർ യുഎഇ സമാഹരിച്ചത്. ദീർഘകാല റെസിഡൻസി പ്രോഗ്രാമുകൾ, എഐ (AI) നിക്ഷേപങ്ങൾ, ഇൻക്യുബേറ്ററുകൾ, സീഡ് ഫണ്ടിംഗ് എന്നിവയിലൂടെ യുഎഇ ബിസിനസ് വളർച്ചയ്ക്കുള്ള ഒരു പ്രധാന കേന്ദ്രമായി തുടരുന്നു.

The UAE has launched a nationwide campaign titled "UAE, the World's Capital of Entrepreneurship" aimed at training 10,000 young entrepreneurs. Announced by Sheikh Mohammed bin Rashid Al Maktoum, Vice-President and Prime Minister of the UAE and Ruler of Dubai, the initiative seeks to provide thousands of economic opportunities and enable young entrepreneurs to benefit from the country's economic boom.