ഓസ്‌ട്രേലിയക്കെതിരായ ആദ്യ യൂത്ത് ഏകദിനത്തിൽ ഇന്ത്യക്ക് വമ്പൻ ജയം. മത്സരത്തിൽ ഓസ്‌ട്രേലിയയെ ഏഴു വിക്കറ്റുകൾക്കാണ് ഇന്ത്യ തകർത്തത്. മത്സരത്തിൽ ആദ്യം ബാറ്റ് ചെയ്ത ഓസ്ട്രേലിയ ഇന്ത്യക്ക് മുമ്പിൽ 226 റൺസാണ് നേടിയത്. മറുപടി ബാറ്റിങ്ങിനിറങ്ങിയ ഇന്ത്യ മൂന്ന് വിക്കറ്റ് നഷ്ടത്തിൽ ലക്ഷ്യം മറികടക്കുകയായിരുന്നു. 

മത്സരത്തിൽ മിന്നും പ്രകടനമാണ് യുവതാരം വൈഭവ് സൂര്യവംശി നടത്തിയത്. കങ്കാരുപ്പടക്കെതിരെ ഓപ്പണറായി കളത്തിൽ ഇറങ്ങിയ വൈഭവ് 22 പന്തിൽ ഏഴു ഫോറുകളും ഒരു സിക്‌സും അടക്കം 38 റൺസാണ് അടിച്ചെടുത്തത്. മത്സരത്തിൽ ഇന്ത്യക്ക് മികച്ച തുടക്കമാണ് വൈഭവ് നൽകിയത്. 

ഇതിനു മുമ്പ് നടന്ന ഇംഗ്ലണ്ടിനെതിരായ പരമ്പരയിലും വൈഭവ് മികച്ച പ്രകടനമാണ് നടത്തിയത്. യൂത്ത് ടെസ്റ്റിൽ നാല് ഇന്നിംഗ്‌സുകളിൽ നിന്ന് 340 റൺസ് ആണ് ആയുഷ് നേടിയിരുന്നത്. രണ്ട് സെഞ്ച്വറിയും ഒരു അർദ്ധസെഞ്ച്വറിയും ആണ് പരമ്പരയിൽ താരം സ്വന്തമാക്കിയത്. ഏകദിന പരമ്പരയിൽ അഞ്ചു മത്സരങ്ങളിൽ നിന്നും 355 റൺസാണ് വൈഭവ് നേടിയത്. ഒരു സെഞ്ച്വറിയും അർദ്ധ സെഞ്ച്വറിയും ആണ് താരം പരമ്പരയിൽ നേടിയത്. 71 എന്ന മികച്ച ആവറേജിലും 174.01 സ്ട്രൈക്ക് റേറ്റിലും ആണ് വൈഭവ് സൂര്യവംശി ബാറ്റ് വീശിയത്.

2025 ഐപിഎല്ലിൽ രാജസ്ഥാൻ റോയൽസിനായി നടത്തിയ മിന്നും പ്രകടനങ്ങൾക്ക് പിന്നാലെ ക്രിക്കറ്റ് ലോകത്തിൽ ഏറ്റവും ചർച്ചയായ പേരാണ് വൈഭവ് സൂര്യവംശി. 2025 ഐപിഎല്ലിലെ സൂപ്പർ സ്ട്രൈക്കർ അവാർഡ് സ്വന്തമാക്കിയത് വൈഭവ് സൂര്യവംശിയായിരുന്നു. രാജസ്ഥനായി ഏഴ് മത്സരങ്ങളിൽ നിന്നും ഒരു സെഞ്ച്വറിയും ഒരു അർദ്ധ സെഞ്ച്വറിയും ഉൾപ്പെടെ 252 റൺസാണ് നേടിയത്.

അതേസമയം മത്സരത്തിൽ ഇന്ത്യക്കായി വേദാന്ത്, അഭിഗ്യാൻ എന്നിവർ അർദ്ധ സെഞ്ച്വറി നേടി മികച്ചു നിന്നു. അഭിഗ്യാൻ 87 റൺസും വേദാന്ത് 61 റൺസും നേടി. ഇന്ത്യൻ ബൗളിങ്ങിൽ ഹെനിൽ പട്ടേൽ മൂന്ന് വിക്കറ്റുകൾ നേടി തിളങ്ങിയപ്പോൾ കിഷൻ കുമാർ, കനിഷ്‌ക് ചൗഹാൻ എന്നിവർ രണ്ട് വീതം വിക്കറ്റുകളും നേടി. 

Vaibhav Suryavanshi performed brilliantly in the Youth ODI against Australia. Vaibhav, who came on as an opener in the first ODI against Kangarupada, scored 38 runs in 22 balls, including seven fours and a six.