റിയാദ്: വധശിക്ഷ നടപ്പാക്കാന്‍ മണിക്കൂറുകള്‍ മാത്രം ബാക്കിനില്‍ക്കേ സഊദി യുവാവിന് മോചനം. പ്രതി കൊലപ്പെടുത്തിയ യുവാവിന്റെ പിതാവ് മാപ്പ് നല്‍കിയതാണ് യുവാവിന് തുണയായത്. സഊദി പൗരനായ യൂസുഫ് അല്‍ശൈഖിയാണ് അല്‍ബഹ ഗവര്‍ണര്‍ ഡോ. ഹുസാം ബിന്‍ സഊദ് ബിന്‍ അബ്ദുല്‍ അസീസിന്റെ ശുപാര്‍ശ മാനിച്ച് തന്റെ മകന്റെ കൊലയാളിക്ക് മാപ്പ് നല്‍കിയത്.

ALSO READ: താമസ, തൊഴിൽ നിയങ്ങളുടെ ലംഘനം: സഊദിയിൽ ഒരാഴ്ചക്കിടെ അറസ്റ്റിലായത് 25,553 പേർ; 13,375 പ്രവാസികളെ നാടുകടത്തി 

അധ്യാപകനായ തനിക്ക് തന്റെ വിദ്യാര്‍ത്ഥികളില്‍ ഒരാളോട് പ്രതികാരം ചെയ്യാന്‍ സാധിക്കില്ലെന്ന് യൂസുഫ് പറഞ്ഞു. ദൈവത്തില്‍ നിന്നുള്ള പുണ്യം കരുതിയാണ് താന്‍ തന്റെ മകന്റെ ഘാതകന് മാപ്പ് നല്‍കിയതെന്നും തന്റെ മകന് സംഭവിച്ചത് ദൈവീക വിധിയാണെന്നും അദ്ദേഹം പറഞ്ഞു. കേസില്‍ അറസ്റ്റിലായ പ്രതിക്ക് വിചാരണ കോടതി വധശിക്ഷ വിധിക്കുകയായിരുന്നു. അപ്പീല്‍ കോടതിയും സുപ്രീം കോടതിയും ഈ വിധി ശരിവയ്ക്കുകയായിരുന്നു. ശിക്ഷ നടപ്പാക്കാന്‍ സഊദി ഭരണാധികാരിയായ സല്‍മാന്‍ രാജാവ് അനുമതി നല്‍കിയിരുന്നു. ഭരണാധികാരിയുടം അനുമതി ലഭിച്ചതിനെ തുടര്‍ന്ന് വധശിക്ഷ നടപ്പാക്കാനുള്ള നടപടികള്‍ അധികൃതര്‍ പൂര്‍ത്തിയാക്കിയിരുന്നു. 

ALSO READ: പഴങ്ങളുടെയും പച്ചക്കറികളുടെയും പാക്കേജിംഗിനും ലേബലിംഗിനും പുതിയ നിയമങ്ങളുമായി സഊദി അറേബ്യ 

വധശിക്ഷ നടപ്പാക്കുന്നതിന് തൊട്ടുമുമ്പ് അല്‍ബഹ ഗവര്‍ണര്‍ നടത്തിയ മധ്യസ്ഥ ശ്രമങ്ങളാണ് പ്രതിയുടെ ജീവന്‍ രക്ഷിക്കാന്‍ സഹായിച്ചത്.

In a profound act of forgiveness, a father pardoned his son's murderer, a former student, leading to the accused's death penalty being waived, showcasing compassion and humanity in the face of tragedy.