വിമൺസ് ഏകദിന ക്രിക്കറ്റിലെ ഏറ്റവും മികച്ച മത്സരത്തിനായിരുന്നു കഴിഞ്ഞ ദിവസം ക്രിക്കറ്റ് ലോകം സാക്ഷ്യം വഹിച്ചത്. ഇന്ത്യ-ഓസ്‌ട്രേലിയ മൂന്ന് ഏകദിന മത്സരങ്ങളുടെ പരമ്പരയിലെ അവസാന മത്സരത്തിൽ 43 റൺസിനായിരുന്നു ഓസ്‌ട്രേലിയയുടെ വിജയം. മത്സരത്തിൽ ആദ്യം ബാറ്റ് ചെയ്ത ഓസ്‌ട്രേലിയ 50 ഓവറിൽ 412 റൺസാണ് നേടിയത്. 47.5 ഓവറിൽ ഓസ്‌ട്രേലിയ 412 റൺസിന്‌ പുറത്താവുകയായിരുന്നു. മറുപടി ബാറ്റിങ്ങിനിറങ്ങിയ ഇന്ത്യ 369 റൺസിന്‌ പുറത്താവുകയായിരുന്നു. ഓസ്‌ട്രേലിയയുടെ കൂറ്റൻ ടോട്ടൽ ഇന്ത്യ ഒരു ഘട്ടത്തിൽ മറികടക്കുമെന്ന് തോന്നിച്ചെങ്കിലും ഓസ്‌ട്രേലിയ അവസാനം ആധിപത്യം സ്ഥാപിക്കുകയായിരുന്നു. 

മത്സരം ഇന്ത്യ പരാജയപ്പെട്ടെങ്കിലും സ്‌മൃതി മന്ദാനയുടെ പോരാട്ടവീര്യമാണ് ഏറെ ശ്രദ്ധ നേടിയത്. മത്സരത്തിൽ ഇന്ത്യക്കായി മിന്നൽ സെഞ്ച്വറി നേടിയാണ് സ്‌മൃതി മന്ദാന തിളങ്ങിയത്. മത്സരത്തിൽ 63 പന്തിൽ 125 റൺസാണ് സ്‌മൃതി അടിച്ചെടുത്തത്. 17 ഫോറുകളും അഞ്ചു സിക്സുകളും അടങ്ങുന്നതാണ് താരത്തിന്റെ ഇന്നിംഗ്സ്.

മത്സരത്തിൽ 50 പന്തിൽ സെഞ്ച്വറി നേടിയ സ്‌മൃതി ഏകദിനത്തിൽ ഇന്ത്യക്കായി ഏറ്റവും വേഗത്തിൽ സെഞ്ച്വറി നേടുന്ന താരമായും റെക്കോർഡിട്ടു. ഇതിനു മുമ്പ് ഈ നേട്ടം വിരാട് കോഹ്‌ലിയുടെ പേരിലായിരുന്നു ഉണ്ടായിരുന്നത്. 2013ൽ ഔസ്ട്രേലിയക്കെതിരെ 52 പന്തിൽ നിന്നുമാണ് കോഹ്‌ലി സെഞ്ച്വറി നേടിയിരുന്നത്. മത്സരത്തിൽ ഓസ്‌ട്രേലിയ ഉയർത്തിയ 360 റൺസ് വിജയലക്ഷ്യം വിരാടിന്റെ സെഞ്ച്വറി കരുത്തിൽ ഇന്ത്യ വെറും 43.3 ഓവറിൽ മറികടക്കുകയായിരുന്നു. 

അതേസമയം ഓസ്‌ട്രേലിയക്കെതിരായ അവസാന ഏകദിനത്തിൽ സ്‌മൃതിക്ക് പുറമെ ഇന്ത്യക്കായി ദീപ്തി ശർമ്മ, ക്യാപ്റ്റൻ ഹർമൻ പ്രീത് കൗർ എന്നിവർ അർദ്ധ സെഞ്ച്വറിയും നേടി തിളങ്ങി. 58 പന്തിൽ അഞ്ചു ഫോറുകളും രണ്ട് സിക്സുകളും അടക്കം 72 റൺസാണ് ദീപ്തി ശർമ്മ നേടിയത്. ഹർമൻപ്രീത് 35 പന്തുകളിൽ നിന്നും 52 റൺസും സ്വന്തമാക്കി. എട്ട് ഫോറുകളാണ് താരം നേടിയത്. 

ഓസ്‌ട്രേലിയക്കായി ബേത്ത് മൂണിയാണ് സെഞ്ച്വറി നേടിയത്. 75 പന്തിൽ 138 റൺസ് നേടിയാണ് തരാം കരുത്തുകാട്ടിയത്. 23 ഫോറുകളും ഒരു സിക്‌സും അടങ്ങുന്നതായിരുന്നു താരത്തിന്റെ പ്രകടനം. ജോർജിയ വോൾ 68 പന്തിൽ 81 റൺസും എല്ലിസ് പെറി 72 പന്തിൽ 68 റൺസും നേടി മികച്ചു നിന്നു. അവസാന മത്സരം വിജയിച്ചതോടെ ഓസ്‌ട്രേലിയ മൂന്ന് മത്സരങ്ങളടങ്ങുന്ന പരമ്പര 2-1ന് സ്വന്തമാക്കുകയും ചെയ്തു.  

Smriti Mandhana shined for India in the ODI against Australia by scoring a lightning century. Smriti scored 125 runs in 63 balls in the match. Smriti also set a record for the fastest century for India in ODIs.