കൺമുന്നിൽ വെച്ച് അകത്തേക്ക് പിൻവലിയുന്നൊരു ബീച്ച്, അങ്ങനെയൊരു ബീച്ച് ഉണ്ടാകുമോ എന്ന് നിങ്ങൾ സംശയിക്കുന്നുണ്ടാകും. എന്നാൽ അങ്ങനെയൊരു ബീച്ചുണ്ട്. അങ്ങ് ഒഡീഷയിൽ ആണെന്ന് മാത്രം. 

ബംഗാൾ ഉൾക്കടലിനോട് ചേർന്ന് സ്ഥിതി ചെയ്യുന്ന ചാന്ദിപ്പൂർ ബീച്ചിലാണ് ഈ അദ്ഭുത പ്രതിഭാസം സംഭവിക്കുന്നത്. വേലിയിറക്ക സമയത്ത് കടൽ ഏകദേശം 5 കിലോമീറ്റർ പിന്നോട്ട് പോകുന്ന ഈ ബീച്ച്, സന്ദർശകർക്ക് തുറന്നു കിടക്കുന്ന കടൽത്തീരത്ത് നടക്കാനുള്ള അവസരം ഒരുക്കുന്നു. ഈ അപൂർവ പ്രതിഭാസം കേട്ടറിഞ്ഞ് പതിനായിരക്കണക്കിന് ആളുകളാണ് ലോകത്തിന്റെ വിവിധ ഭാ​ഗങ്ങളിൽ നിന്ന് പ്രതിവർഷം ഇവിടേക്ക് ഒഴുകിയെത്തുന്നത്.

ALSO READ: പോകാം ഹിമാലയത്തിന്റെ ഹൃദയത്തിലേക്കൊരു യാത്ര...! ആസ്വദിക്കാം ലേ ലഡാക്കിന്റെ മോഹിപ്പിക്കുന്ന സൗന്ദര്യം 

കടലിന്റെ നിഗൂഢ നൃത്തം

ബാലസോർ ജില്ലയിലാണ് ഈ ബീച്ച് സ്ഥിതി ചെയ്യുന്നത്. വേലിയിറക്ക സമയത്ത് കടൽ പിന്നോട്ട് പോകുന്നതിനാൽ "അപ്രത്യക്ഷമാകുന്ന കടൽ" എന്നാണ് ഇത് അറിയപ്പെടുന്നത്. 4-5 മണിക്കൂറോളം നീളുന്ന ഈ പ്രതിഭാസം, ഉയർന്ന വേലിയേറ്റത്തിൽ കടൽ തിരികെ വരുന്നതോടെ പൂർവ്വസ്ഥിതിയിലെത്തുന്നു. ‌
 
അദ്ഭുത്തിന് പിന്നിലെ കാരണം

പ്രധാനമായും ചന്ദ്രന്റെ ഗുരുത്വാകർഷണ ബലം മൂലമുള്ള വേലിയേറ്റത്തിലെ ഏറ്റക്കുറച്ചിലുകളാണ് ഈ പ്രതിഭാസത്തിന് കാരണം. "ചന്ദ്രന്റെയും സൂര്യന്റെയും ഗുരുത്വാകർഷണ ബലം സമുദ്രങ്ങളെ സ്വാധീനിക്കുന്നു. ഇത് ദിവസേന രണ്ട് ഉയർന്ന വേലിയേറ്റങ്ങളും രണ്ട് താഴ്ന്ന വേലിയേറ്റങ്ങളും സൃഷ്ടിക്കുന്നു," പരിസ്ഥിതി പ്രവർത്തകനായ ബിശ്വജിത് മൊഹന്തി വിശദീകരിച്ചു. ചന്ദ്രായനത്തെ ആശ്രയിച്ച്, കടൽ വെള്ളം 5 കിലോമീറ്റർ വരെ ഉൾവലിയുന്നു. ഈ സമയത്ത് കടലിന്റെ ഉൾഭാ​ഗം വ്യക്തമായി കാണാം.

സന്ദർശകരുടെ ആകർഷണ കേന്ദ്രം

ദിവസേന നൂറുകണക്കിന് സന്ദർശകരാണ് ചാന്ദിപ്പൂർ ബീച്ചിലേക്ക് എത്തുന്നത്. പ്രത്യേകിച്ച് ശൈത്യകാലത്ത് ഇവിടെയെത്തുന്ന ആളുകളുടെ എണ്ണം ഇരട്ടിയാകുന്നു. 5 കിലോമീറ്റർ നീളുന്ന കടലിലൂടെ നടക്കുന്നത് ഒരു അവിസ്മരണീയ അനുഭവമാണ്. വേലിയേറ്റ സമയത്ത് കടലിൽ കുടുങ്ങിപ്പോകുമോ ഭയക്കേണ്ടതില്ല. എല്ലാവർക്കും വേലിയേറ്റ സമയങ്ങൾ വ്യക്തമാക്കുന്ന അടയാളങ്ങൾ ബീച്ചിൽ ഉണ്ട്.

ഇന്ത്യയിലെ മറ്റ് തീരപ്രദേശങ്ങളിൽ നിന്ന് വ്യത്യസ്തമായി, ചാന്ദിപ്പൂരിലെ ഈ പ്രതിഭാസം അതിന്റെ നാടകീയത കൊണ്ട് വേറിട്ടു നിൽക്കുന്നു. "വാനിഷിംഗ് സീ" എന്ന് വിളിക്കപ്പെടുന്ന ഈ കാഴ്ച മനോഹരമാണ്. "ഇത് മനുഷ്യന്റെ ബുദ്ധിക്ക് അതീതമായ പ്രകൃതിയുടെ ഒരു മുഖമാണ്," മൊഹന്തി കൂട്ടിച്ചേർത്തു.

Discover Chandipur Beach in Odisha, where the sea retreats up to 5 kilometers twice a day due to tidal changes, creating a unique natural phenomenon. Known as the "Vanishing Sea," this beach offers visitors a chance to walk on the exposed seabed, attracting nature lovers and photographers. Learn about this mesmerizing daily spectacle driven by lunar gravity.