കണ്ണൂര്‍: രാഷ്ട്രീയ അക്രമത്തില്‍ പരുക്കേറ്റ് വര്‍ഷങ്ങളായി ചികിത്സയില്‍ കഴിയുന്ന സി.പി.എം പ്രവര്‍ത്തകനെ കിണറ്റില്‍ മരിച്ച നിലയില്‍ കണ്ടെത്തി. പാനൂര്‍ വിളക്കോട്ടൂര്‍ കല്ലിങ്ങേന്റെവിട ജ്യോതിരാജിനെയാണ് (43) ഇന്ന് രാവിലെ വീട്ടിലെ കിണറ്റില്‍ മരിച്ച നിലയില്‍ കണ്ടെത്തിയത്. ആത്മഹത്യയാണെന്നാണ് പ്രാഥമിക നിഗമനം. 

സ്വന്തം വീട്ടിലെ കിണറ്റിലാണ് ഇദ്ദേഹത്തെ മരിച്ച നിലയില്‍ കണ്ടെത്തിയത്. 2009 ല്‍ ജ്യോതിരാജിനെ ബി.ജെ.പി പ്രവര്‍ത്തകര്‍ വീട്ടില്‍കയറി അതിക്രൂരമായി മര്‍ദ്ദിച്ചിരുന്നു. ഇരുകാലിനും വെട്ടേറ്റ ജ്യോതിരാജ് ഇത്രകാലവും ചികിത്സയിലായിരുന്നു. മൃതദേഹം പോസ്റ്റ്‌മോര്‍ട്ടത്തിനായി ആശുപത്രിയിലേക്ക് മാറ്റി.