പോർബന്ദർ: ഗുജറാത്തിലെ പോർബന്ദർ സുഭാഷ്‌നഗർ ജെട്ടിയിൽ നങ്കൂരമിട്ടിരുന്ന കപ്പലിൽ തീപിടുത്തം. പഞ്ചസാരയും അരിയും നിറച്ച കപ്പൽ സൊമാലിയയിലെ ബൊസാസോയിലേക്ക് പോവുകയായിരുന്നുവെന്ന് വാർത്താ ഏജൻസിയായ എഎൻഐ റിപ്പോർട്ട് ചെയ്തു. അരി നിറച്ച ചാക്കുകളിൽ തീപടന്നതോടെ തീ ശക്തമായി. ഇതുവരെ ആളപായമൊന്നും റിപ്പോർട്ട് ചെയ്തിട്ടില്ല.

ജാംനഗർ ആസ്ഥാനമായുള്ള എച്ച്ആർഎം & സൺസിന്റെ ഉടമസ്ഥതയിലുള്ളതാണ് തീ പിടിച്ച കപ്പൽ. കപ്പൽ സൊമാലിയയിലെ ബൊസാസോയിലേക്ക് പോവാൻ വേണ്ടി ഒരുങ്ങിനിൽക്കുന്നതിനിടെയാണ് അപകടം. 950 ടൺ‌ അരിയും 100 ടൺ പഞ്ചസാരയും കപ്പലിലുണ്ടായിരുന്നു.

ALSO READ: നീറ്റിലിറക്കി മിനുറ്റുകൾക്കകം വെള്ളത്തിൽ മുങ്ങി ആഡംബര നൗക; നീന്തിരക്ഷപ്പെട്ട് ഉടമയും ക്യാപ്റ്റനും

തീ അണയ്ക്കാൻ മൂന്ന് അഗ്നിശമന സേനകളെ വിന്യസിച്ചു. ഇന്ത്യൻ കോസ്റ്റ് ഗാർഡും ഫയർഫോഴ്സും തുറമുഖ അധികൃതരും സംയുക്തമായാണ് തീ അണക്കാൻ ശ്രമം നടത്തുന്നത്. തീ കൂടുതൽ ശക്തമായതോടെ മാറ്റുകപ്പലുകളിലേക്ക് പടരാതിരിക്കാൻ കപ്പലിനെ തീരത്ത് നിന്ന് ഉൾക്കടലിലേക്ക് കൊണ്ടുപോയിട്ടുണ്ട്.