ദുബൈ: ദുബൈയിലെ സ്വര്‍ണ വില ചരിത്രത്തിലെ ഏറ്റവും ഉയര്‍ന്ന വിലയിലേക്ക് കുതിക്കുന്നു. ഇന്ന് രാവിലെ വിപണി തുടങ്ങിയപ്പോള്‍ തന്നെ സ്വര്‍ണം ഔണ്‍സിന് 3,700 ഡോളറിനടുത്തേക്ക് വില ഉയര്‍ന്നു. രാവിലെ ഒമ്പത് മണിയോടെ 24 കാരറ്റ് സ്വര്‍ണം ഗ്രാമിന് 444.75 ദിര്‍ഹമായി. 22 കാരറ്റ് സ്വര്‍ണം ഗ്രാമിന് 412 ദിര്‍ഹവും 21 കാരറ്റ് സ്വര്‍ണത്തിന് 394.75 ദിര്‍ഹവും 18 കാരറ്റിന് 338.5 ദിര്‍ഹവുമായിരുന്നു ഇന്ന് രാവിലത്തെ വില.

ALSO READ: രാവിലെ കുറിച്ച റെക്കോര്‍ഡ് തിരുത്തി ഉച്ചക്ക് വീണ്ടും സ്വര്‍ണക്കുതിപ്പ്; പവന് 83,000 തൊടാന്‍ വെറും 80 രൂപ കൂടി 

അമേരിക്കന്‍ ഫെഡറല്‍ റിസര്‍വിന്റെ പലിശ കുറച്ചതും മിഡില്‍ ഈസ്റ്റിലെയും യുക്രെയ്‌നിലെയും സംഘര്‍ഷങ്ങളും കാരണം നിക്ഷേപകര്‍ സ്വര്‍ണത്തിലേക്ക് തിരിഞ്ഞതാണ് സ്വര്‍ണ വില കുത്തനെ ഉയരാന്‍ കാരണം. 

ALSO READ: സ്വര്‍ണവില മുന്നോട്ട് തന്നെ; കേരളത്തില്‍ ഇന്നും റെക്കോര്‍ഡ് 

വില കുത്തനെ ഉയര്‍ന്നതോടെ ദുബൈയിലെ സ്വര്‍ണ വിപണിയില്‍ വില്‍പ്പന കുറച്ചതായി റിപ്പോര്‍ട്ടുകള്‍ വ്യക്തമാക്കുന്നു. സ്വര്‍ണ വില കുത്തനെ കൂടിയതിനാല്‍ ഉപയോക്താക്കള്‍ സ്വര്‍ണം വാങ്ങാന്‍ മടി കാണിക്കുന്നതായി ജ്വല്ലറി ഉടമകള്‍ പറയുന്നു. ചില കടകളില്‍ നാല്‍പ്പത് ശതമാനം വരെ വില്‍പ്പന കുറഞ്ഞെന്ന് റിപ്പോര്‍ട്ടുകള്‍ സൂചിപ്പിക്കുന്നു. വില വര്‍ധനവിലെ ഈ അനിശ്ചിതത്വം സ്വര്‍ണ വിപണിയില്‍ ആശങ്ക സൃഷ്ടിച്ചിരിക്കുകയാണ്.

Gold prices in Dubai are soaring, sparking worry among investors and buyers. Stay updated on the latest market trends and factors driving the sharp increase in gold rates.