ഡല്‍ഹി: ഡല്‍ഹി കലാപ ഗൂഢാലോചനക്കേസില്‍ ജെ.എന്‍.യു മുന്‍വിദ്യാര്‍ഥി ഉമര്‍ ഖാലിദടക്കമുള്ളവരുടെ ജാമ്യം ഇന്ന് സുപ്രിം കോടതി പരിഗണിക്കും. ഉമര്‍ ഖാലിദിന് പുറമേ ഷര്‍ജീല്‍ ഇമാം, ഗള്‍ഫിഷ ഫാത്തിമ, മീരാന്‍ ഹൈദര്‍ എന്നിവരുടെ ജാമ്യാപേക്ഷയാണ് ഇന്ന് പരിഗണിക്കുന്നത്. ജസ്റ്റിസ് അരവിന്ദ് കുമാര്‍, ജസ്റ്റിസ് എന്‍.വി അഞ്ജരിയ എന്നിവരുടെ ബെഞ്ചാണ് ഹരജി പരിഗണിക്കുന്നത്.

ജാമ്യം നിഷേധിച്ച ഡല്‍ഹി ഹൈക്കോടതി ഉത്തരവിനെതിരെയാണ് അപ്പീല്‍ സമര്‍പ്പിച്ചത്. ഉമര്‍ ഖാലിദ്, ഷര്‍ജീല്‍ ഇമാം അടക്കമുള്ള എട്ട് പേരുടെ ജാമ്യാപേക്ഷ ഡല്‍ഹി ഹൈക്കോടതി തള്ളിയിരുന്നു. 2020ല്‍ പൗരത്വ നിയമ ഭേദഗതിക്കെതിരായ പ്രതിഷേധത്തിനിടെ ഡല്‍ഹി കലാപത്തിന് ഗൂഢാലോചന നടത്തിയെന്നാണ് ഇവര്‍ക്കെതിരായ കേസ്. യു.എ.പി.എ ചുമത്തപ്പെട്ട് അഞ്ച് വര്‍ഷമായി കസ്റ്റഡിയിലാണ് ഉമര്‍ ഖാലിദ്. 

ALSO READ: പ്രവാചകൻ മുഹമ്മദ് നബിയെ സിലബസിൽ ഉൾപ്പെടുത്തണമെന്ന് ആവശ്യം; നേരത്തെ തന്നെ തമിഴ്‌നാട് സിലബസിൽ ഞങ്ങൾ ഉൾപ്പെടുത്തിയിട്ടുണ്ടെന്ന് സ്റ്റാലിൻ

രണ്ട് തവണയാണ് ജാമ്യാപേക്ഷ പരിഗണിക്കുന്നത് സുപ്രിം കോടതി മാറ്റിയത്. കേസ് നേരത്തെ സെപ്റ്റംബര്‍ 12 ന് പരിഗണിക്കാന്‍ തീരുമാനിച്ചിരുന്നെങ്കിലും പിന്നീട് സെപ്റ്റംബര്‍ 19 ലേക്ക് മാറ്റിവച്ചു. പുലര്‍ച്ചെ 2:30 നാണ് കേസ് ഫയലുകള്‍ ലഭിച്ചതെന്നും പുനഃപരിശോധനയ്ക്ക് മതിയായ സമയം ലഭിച്ചില്ലെന്നും ജസ്റ്റിസ് കുമാര്‍ കോടതിയെ അറിയിച്ചതിനെത്തുടര്‍ന്നായിരുന്നു ഇത്.   മുതിര്‍ന്ന അഭിഭാഷകരായ കപില്‍ സിബല്‍, ഡോ. അഭിഷേക് മനു സിംഗ്വി, സി.യു. സിംഗ് എന്നിവരാണ് ഹരജിക്കാര്‍ക്കുവേണ്ടി വാദിക്കുന്നത്.

സെപ്റ്റംബര്‍ രണ്ടിനാണ് ഡല്‍ഹി ഹൈക്കോടതി ഇമാം, ഖാലിദ്, മീരാന്‍ ഹൈദര്‍, ഗുല്‍ഫിഷ ഫാത്തിമ, അത്തര്‍ ഖാന്‍, ഷിഫാ-ഉര്‍-റഹ്‌മാന്‍, മുഹമ്മദ് സലീം ഖാന്‍, ഷദാബ് അഹമ്മദ്, ഖാലിദ് സൈഫി എന്നിവരുള്‍പ്പെടെ ഏഴ് പേര്‍ക്ക് ജാമ്യം നിഷേധിച്ചത്. മറ്റൊരു പ്രതിയായ തസ്‌ലിം അഹമ്മദിന് പ്രത്യേക ബെഞ്ച് ജാമ്യം നിഷേധിച്ചു.

ALSO READ: നികുതിയിളവിന്റെ ഗുണം ജനങ്ങളിലേക്കെത്തുമോ?; ആശങ്കകള്‍ക്കിടെ ജി.എസ്.ടി പുതിയ സ്ലാബ് നിരക്കുകള്‍ പ്രാബല്യത്തില്‍ 

കലാപത്തിന്റെ ഗൂഢാലോചനയില്‍ പങ്കുണ്ടെന്ന് ആരോപിച്ചാണ് 2020 ലാണ് ഉമര്‍ ഖാലിദ് ഉള്‍പെടെയുള്ളവരെ ഡല്‍ഹി പൊലിസ് അറസ്റ്റ് ചെയ്യുന്നത്. ക്രിമിനല്‍ ഗൂഢാലോചന, കലാപം, നിയമ വിരുദ്ധമായി സംഘം ചേരല്‍, യു.എ.പി.എ തുടങ്ങിയ വകുപ്പുകള്‍ ചുമത്തിയായിരുന്നു അറസ്റ്റ്.

അറസ്റ്റ് ചെയ്ത് അഞ്ച് വര്‍ഷത്തിന് ശേഷമാണ് ഷര്‍ജീല്‍ ഇമാം അടക്കമുള്ളവരുടെ ജാമ്യാപേക്ഷയില്‍ ആദ്യ വിധി വരുന്നത്. 

he supreme court will today hear the bail pleas of jnu ex-student umar khalid, sharjeel imam, gulfisha fatima, and meeran haider in the 2020 delhi riots conspiracy case. the matter will be considered by a bench of justices arvind kumar and n v anjaria.