മുക്കം: എസ്.എസ്.എല്‍.സി പരീക്ഷയില്‍ ഉന്നത വിജയം ലക്ഷ്യമിട്ട് മുക്കം നഗരസഭ നടപ്പാക്കുന്ന  വിജയാത്സവം പദ്ധതിക്ക് തുടക്കമായി. പദ്ധതിയുടെ ഭാഗമായി അധ്യാപക ശാക്തീകരണം, വിദ്യാര്‍ഥികള്‍ക്കുള്ള പരിശീലനം, കൗണ്‍സലിങ്, ഗൈഡന്‍സ് ക്ലാസ്, പിയര്‍ ഗ്രുപ്പ് ടീച്ചിങ്, മാസാന്ത പരീക്ഷ, സയാഹ്ന ക്ലാസ്, നിശാപഠന ക്യാംപ് , അതിഥി ക്ലാസ് തുടങ്ങിയവ നടപ്പാക്കും.
     രക്ഷിതാക്കള്‍ക്കുള്ള പരിശീലന പരിപാടി മുക്കം നഗരസഭാ ചെയര്‍മാന്‍ വി. കുഞ്ഞന്‍ മാസ്റ്റര്‍ ഉദ്ഘാടനം ചെയ്തു. കൗണ്‍സിലര്‍ മുക്കം വിജയന്‍ അധ്യക്ഷനായി. ദേശീയ അധ്യാപക അവാര്‍ഡ് ലഭിച്ച  വി.കെ വാസു മാസ്റ്റര്‍, ജില്ലാ പഞ്ചായത്ത് വിദ്യഭ്യാസ സമിതി കോ ഓഡിനേറ്റര്‍ കെ.കെ ശിവദാസന്‍ മാസ്റ്റര്‍, കൗണ്‍സിലര്‍ രജിത കുപ്പാട്ട്, പി. അബ്ദു മാസ്റ്റര്‍, എ.വി സുധാകരന്‍, എന്‍. ചന്ദ്രന്‍ മാസ്റ്റര്‍, ഇ.കെ അബ്ദുസലാം പ്രസംഗിച്ചു. അബൂബക്കര്‍ പുതുക്കുടി, സോണിയ മൈക്കിള്‍, എ.ആര്‍ രണ്‍ജിത, പി. മുഹമ്മദ് ഇഖ്ബാല്‍, പി.കെ ഇസ്മാഈല്‍ പരിശീലനത്തിന് നേതൃത്വം നല്‍കി.