മസ്‌കത്ത്: ഒമാനില്‍ പണം തട്ടിയെടുക്കാനായി ഹണി ട്രാപ്പ് നടത്തി യുവാവിനെ കുടുക്കിയ സംഭവത്തില്‍ ആറ് പ്രവാസികള്‍ അറസ്റ്റില്‍. സമൂഹ മാധ്യമം വഴി പ്രണയക്കെണി (ഹണി ട്രാപ്പ്) ഒരുക്കി രണ്ട് ലക്ഷം റിയാലില്‍ കൂടുതല്‍ പണം (4.6 കോടി രൂപ) തട്ടിയെടുത്ത ആറ് പ്രവാസികളെ റോയല്‍ ഒമാന്‍ പോലീസ് ആണ് അറസ്റ്റ്‌ചെയ്തത്. ദാഖിലിയ ഗവര്‍ണറേറ്റിലാണ് സംഭവം നടന്നത്. സ്ത്രീയാണെന്ന വ്യാജേന പ്രതികള്‍ ഇരയുമായി ബന്ധം സ്ഥാപിക്കുകയും സ്വകാര്യ സ്ഥലത്തേക്ക് വിളിച്ചുവരുത്തി പണം തട്ടിയെടുക്കുകയുമായിരുന്നുവെന്ന് പോലീസ് അറിയിച്ചു. അറസ്റ്റിലായവര്‍ക്കെതിരെയുള്ള നിയമ നടപടികള്‍ പുരോഗമിക്കുകയാണ്. എന്നാല്‍ പിടിയിലായവരുടെ വിവരങ്ങള്‍ പോലീസ് പുറത്ത് വിട്ടിട്ടില്ല.

പുതിയ സംഭവത്തിന്റെ പശ്ചാത്തലത്തില്‍ ഓണ്‍ലൈന്‍ തട്ടിപ്പുകള്‍ക്കെതിരെ ജനങ്ങള്‍ ജാഗ്രത പാലിക്കണമെന്ന് റോയല്‍ ഒമാന്‍ പൊലീസ് നിര്‍ദ്ദേശം നല്‍കി. സംശയാസ്പദമായ കാര്യങ്ങള്‍ ശ്രദ്ധയില്‍പ്പെട്ടാല്‍ ഉടന്‍ റിപ്പോര്‍ട്ട് ചെയ്യാനും പോലീസ് അഭ്യര്‍ത്ഥിച്ചു.

ALSO READ: സൗദി ദേശീയ ദിനാഘോഷത്തില്‍ പങ്കെടുത്ത് യുഎഇയും; ഷെയ്ഖ് സായിദും ഫൈസല്‍ രാജാവും കെട്ടിപ്പടുത്ത ചരിത്രപരമായ ബന്ധം

Six expats arrested in Oman for RO 200,000 social media fraud and extortion The Royal Oman Police (ROP) has notified the arrest of six individuals of Arab nationality in Al Dakhiliyah Governorate for their involvement in a social media fraud and extortion case.