ദോഹ: രാജ്യത്തെ ഇന്ത്യന്‍ പ്രവാസികള്‍ക്ക് സന്തോഷ വാര്‍ത്ത. ഖത്തറിലെ ഇന്ത്യക്കാര്‍ക്ക് ഇനിമുതല്‍ യുപിഐ ഉപയോഗിച്ച് സാമ്പത്തിക ഇടപാടുകള്‍ നടത്താം. എന്‍പിസിഐ ഇന്റര്‍നാഷണല്‍ പേയ്‌മെന്റ് ലിമിറ്റഡും ഖത്തര്‍ നാഷനല്‍ ബാങ്കും സംയുക്തമായാണ് ഇത് നടപ്പാക്കുന്നത്. ഇതിനാല്‍ തന്നെ ഖത്തറിലെ ഡ്യൂട്ടി ഫ്രീ സ്റ്റോറുകളില്‍ ക്യൂ ആര്‍ കോഡ് വഴി സാമ്പത്തിക ഇടപാടുകള്‍ നടത്താനാകും.

ALSO READ: ഖത്തർ: എൻവിയോണ്മെന്റൽ സ്ട്രീറ്റിൽ താൽക്കാലിക ഗതാഗത നിരോധനം 

രാജ്യത്തേക്ക് എത്തുന്ന വിനോദ സഞ്ചാരികളുടെ എണ്ണത്തില്‍ രണ്ടാം സ്ഥാനം ഇന്ത്യക്കാണ്. ഖത്തറിലേക്ക് എത്തുന്ന വിനോദ സഞ്ചാരികള്‍ക്ക് മികച്ച യാത്രാനുഭവം പ്രദാനം ചെയ്യുന്നതിന്റെ ഭാഗമായാണ് യുപിഐ സംവിധാനം കൊണ്ടുവന്നിരിക്കുന്നത്. 

ഇന്ത്യയില്‍ നിന്നുള്ള വിനോദ സഞ്ചാരികള്‍ക്ക് ഇനിമുതല്‍ കറന്‍സി നോട്ടുകള്‍ കൊണ്ട് നടക്കേണ്ടി വരില്ലെന്നും അധികൃതര്‍ ചൂണ്ടിക്കാട്ടി. അധികം വൈകാതെ ഖത്തറിലെ കച്ചവട സ്ഥാപനങ്ങളിലും യുപിഐ സംവിധാനം കൊണ്ടുവരുമെന്നാണ് സൂചന.

രാജ്യത്ത് യുപിഐ സംവിധാനം കൊണ്ടുവരാന്‍ കഴിഞ്ഞതില്‍ സന്തോഷമുണ്ടെന്ന് ക്യൂ എന്‍ബി ഗ്രൂപ്പ് ചീഫ് ബിസിനഫ് ഓഫീസര്‍ യൂസുഫ് മഹ്മൂദ് അല്‍ നീമ വ്യക്തമാക്കി. നടപടിയിലൂടെ ഇന്ത്യയില്‍ നിന്നുള്ള വിനോദ സഞ്ചാരികള്‍ക്ക് മെച്ചപ്പെട്ട സൗകര്യങ്ങള്‍ ഒരുക്കാനും പണരഹിത ഇടപാടുകള്‍ കൂടുതല്‍ പ്രോത്സാഹിപ്പിക്കാനും സാധിക്കുമെന്നും അത് ഖത്തറിന്റെ സാമ്പത്തിക മേഖലയ്ക്ക് നേട്ടമാകുമെന്നും അദ്ദേഹം ചൂണ്ടിക്കാട്ടി.

ALSO READ: ഖത്തർ : അംബാസിഡറോടൊപ്പമുള്ള പ്രതിമാസ യോഗം നാളെ ; മുൻകൂട്ടി അപേക്ഷിക്കണം 

അന്താരാഷ്ട്ര തലത്തില്‍ യുപിഐയുടെ സ്വീകാര്യത കൂട്ടാനും ഒരു ഗ്ലോബല്‍ പേയ്‌മെന്റ് ശൃഖല നിര്‍മ്മിക്കാനുമാണ് ഇതിലൂടെ തങ്ങള്‍ ലക്ഷ്യം വെക്കുന്നതെന്ന് എന്‍പിസിഐ ഇന്റര്‍നാഷണല്‍ സിഇഓ റിതേഷ് ശുക്ല പറഞ്ഞു. മാസങ്ങള്‍ക്ക് മുമ്പ് യുഎഇയിലും യുപിഐ സംവിധാനം അവതരിപ്പിച്ചിരുന്നു.

Qatar has launched the UPI payment system, bringing convenience to expatriates. This new initiative allows seamless digital transactions, enhancing financial accessibility for residents and visitors in the country.