കൊച്ചി: 87,000 എന്ന മാന്ത്രിക സംഖ്യയിലെത്തിച്ച വലിയൊരു കുതിപ്പിന് ശേഷം സംസ്ഥാനത്ത് സ്വര്‍ണവിലയില്‍ ഇന്ന് നേരിയ കുറവ്. ബുധനാഴ്ച വൈകുന്നരം പവന് 87,440 രൂപയുണ്ടായിരുന്ന സ്വര്‍ണം പവന് ഇന്ന് 400 രൂപയാണ് കുറഞ്ഞത്.

ഇന്ന് 88,000 രൂപ തൊടുമെന്നായിരുന്നു പ്രവചനം. എന്നാല്‍ പ്രവചനങ്ങളെ തകര്‍ത്ത് വില കുറയുന്നതാണ് രാവിലെ കണ്ടത്. ആഗോള വിപണിയിലും നേരിയ കുറവാണ് ഇന്ന് രേഖപ്പെടുത്തിയിട്ടുള്ളത്. 3865.08 ന് ക്ലോസ് ചെയ്ത നിരക്ക് 3863.33 ലാണ് ഇന്ന് ഓപണ്‍ ചെയ്തത്.

ചൊവ്വാഴ്ച പവന് 86120 രൂപയുണ്ടായിരുന്നു പവന്‍ സ്വര്‍ണത്തിന്. ബുനധാഴ്ച രാവിലെ 87,000 ആയും വൈകുന്നേരം 87,440 രൂപയായും കുതിച്ചു.

ഇന്നത്തെ വില ഇങ്ങനെ
24 കാരറ്റ്
ഗ്രാമിന് 55 രൂപ കുറഞ്ഞ് 11,869
പവന് 440 രൂപ കുറഞ്ഞ് 94,952

22 കാരറ്റ്
ഗ്രാമിന് 50 രൂപ കുറഞ്ഞ് 10,880
പവന് 400 രൂപ കുറഞ്ഞ് 87,040

18 കാരറ്റ്
ഗ്രാമിന് 38 രൂപ കുറഞ്ഞ് 8,902
പവന് 304 രൂപ കുറഞ്ഞ് 71,216

ALSO READ: പൊടിപൊടിച്ച് ഓൺലൈൻ ഫെസ്റ്റിവൽ സീസൺ; ഏഴ് ദിവസം കൊണ്ട് പോക്കറ്റിലാക്കിയത് 60,700 കോടി രൂപ, മൊബൈലിനും ഇലക്ട്രോണിക്സിനും സൗന്ദര്യ വസ്തുക്കൾക്കും തിരക്കോട് തിരക്ക്

അതേസമയം, യു.എസിലെ ഡൊണാള്‍ഡ് ട്രംപ് ഭരണകൂടത്തിന് കനത്ത തിരിച്ചടി നല്‍കിയ ധനബില്‍ കഴിഞ്ഞ ദിവസവും പാസാക്കിയിട്ടില്ല. യു.എസ് ഭരണകൂടം ഷട്ട്ഡൗണിലേക്ക് നീങ്ങും. അവശ്യസേവനങ്ങളൊഴികെ മറ്റ് സര്‍ക്കാര്‍ സേവനങ്ങളുടെയെല്ലാം പ്രവര്‍ത്തനം നിലക്കുന്ന സാഹചര്യമുണ്ടാവും. ധനബില്‍ സെനറ്റില്‍ പാസാക്കാന്‍ കഴിഞ്ഞ ദിവസവും ശ്രമങ്ങള്‍ നടന്നിരുന്നുവെങ്കിലും ഡെമോക്രാറ്റുകളുടെ പിന്തുണ ഇല്ലാത്തതിനാല്‍ നീക്കം പരാജയപ്പെടുകയായിരുന്നു.

ധനബില്‍ പാസാകണമെങ്കില്‍ ഏഴ് ഡെമോക്രാറ്റിക് അംഗങ്ങളുടെ പിന്തുണ വേണം. എന്നാല്‍, രണ്ട് അംഗങ്ങള്‍ മാത്രമാണ് ബില്ലിനെ പിന്തുണച്ചത്. സര്‍ക്കാര്‍ ഷട്ട്ഡൗണിലേക്ക് പോയേക്കാമെന്നും ഡോണള്‍ഡ് ട്രംപ് പറഞ്ഞു. ബൈഡന്‍ ഭരണകാലത്ത് ഉണ്ടായിരുന്ന ആരോഗ്യ ഇന്‍ഷൂറന്‍സ് സേവനങ്ങള്‍ പുനസ്ഥാപിക്കണമെന്ന് ആവശ്യപ്പെട്ടാണ് ധനബില്ലിനെ ഡെമോക്രാറ്റുകള്‍ എതിര്‍ക്കുന്നത്.

ആഭരണപ്രേമികള്‍ പെടും
ആഭരണമായി സ്വര്‍ണം വാങ്ങുന്നവരാണ് പെടുന്നത്. കാരണം ആഭരണം വാങ്ങുന്നവര്‍ക്ക് വിപണി വില മതിയാവില്ല. സ്വര്‍ണത്തിന്റെ വില മാത്രം കൊടുത്താല്‍ പോര. ഹാള്‍മാര്‍ക്കിംഗ് ചാര്‍ജ്, ജി.എസ്.ടി പണിക്കൂലി എന്നിവ കൂടി ആഭരണമായി വാങ്ങുന്ന സ്വര്‍ണത്തിന് കൊടുക്കണം. ആഭരണത്തിന്റെ ഡിസൈന്‍ അനുസരിച്ച് പണിക്കൂലിയില്‍ വ്യത്യാസവും വരും. 3% മുതല്‍ 5% വരെയാണ് സാധാരണയായി പണിക്കൂലിയായി ഈടാക്കുക. ഇത് പ്രകാരം ഇന്നത്തെ വിലക്ക് ഒരു പവന്റെ ആഭരണം വാങ്ങിക്കാന്‍ ഏകദേശം 95000-96000 രൂപയെങ്കിലും വരുമെന്ന് വ്യാപാരികള്‍ പറയുന്നു.

gold price sees a slight decrease today, october 2. check the latest gold rates in kerala and updates from the gold market.