കൊച്ചി: നഗരത്തിലെ പ്രമുഖ ഒപ്റ്റിക്കല്‍ കടയിലെ ബാത്ത്‌റൂമില്‍ ഒളികാമറ സ്ഥാപിച്ച സ്ഥാപനത്തിലെ സെയില്‍സ്മാന്‍ പിടിയില്‍. പാലാ മേലുകാവ് സ്വദേശി കള്ളിക്കല്‍ ഹൗസില്‍ ജോജി (36)യാണ് ഷാഡോ പൊലിസിന്റെ പിടിയിലായത്.  
ഷാഡോ അഡീഷനല്‍ എസ്.ഐ നിത്യാനന്തപൈയുടെ നേതൃത്വത്തില്‍ സി.പി.ഒമാരായ അഫ്‌സല്‍, ഹരിമോന്‍, ജയരാജ് എന്നിവര്‍ ചേര്‍ന്നാണ് പ്രതിയെ പിടികൂടിയത്.  
സിറ്റി പൊലിസ് കമ്മിഷണര്‍ എം.പി ദിനേശന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ സ്‌പെഷ്യല്‍ ബ്രാഞ്ച് അസി. കമ്മിഷണര്‍ അഡീഷനല്‍ ചാര്‍ജ് വഹിക്കുന്ന സര്‍ക്കിള്‍ ഇന്‍സ്‌പെക്ടര്‍ ജി.ഡി വിജയകുമാറിന്റെ നിര്‍ദേശപ്രകാരമായിരുന്നു അന്വേഷണം.
തുടരന്വേഷണത്തിനായി ഇയാളെ നോര്‍ത്ത് പൊലിസിന് കൈമാറി.