മദീന: ചരിത്ര പ്രസിദ്ധമായ മദീനയിലെ ഖിബ്‌ലതൈന്‍ മസ്ജിദ് ഇനി 24 മണിക്കൂറും വിശ്വാസികള്‍ക്കായി തുറന്നുകിടക്കും. ആരാധകര്‍ക്ക് എപ്പോള്‍ വേണമെങ്കിലും പ്രാര്‍ത്ഥനകളും സന്ദര്‍ശനങ്ങളും സുഗമമാക്കുക എന്നതാണ് തീരുമാനം ലക്ഷ്യമിടുന്നത്. സൗദി ഭരണാധികാരിയും രണ്ട് വിശുദ്ധഗേഹങ്ങളുടെ സേവകനുമായ സല്‍മാന്‍ രാജാവ് ഇത് സംബന്ധിച്ച് ചൊവ്വാഴ്ച പുതിയ ഉത്തരവ് പുറപ്പെടുവിച്ചു. ഇവിടെയെത്തുന്ന വിശ്വാസികള്‍ക്ക് കൂടുതല്‍ സുഗമമായി പ്രാര്‍ഥനകളില്‍ മുഴുകുന്നതിന് പുതിയ ഉത്തരവ് സഹായകമാവും. 

മസ്ജിദുന്നബവയിലെ മതകാര്യ പ്രസിഡന്‍സി പുതിയ ഷെഡ്യൂള്‍ നടപ്പാക്കുന്നതിന് മേല്‍നോട്ടം വഹിക്കുകയും രാത്രിയിലെ പ്രവര്‍ത്തനങ്ങളില്‍ മതിയായ ജീവനക്കാരും പരിപാലനവും ഉറപ്പാക്കുകയും ചെയ്യും. രാത്രി മുഴുവന്‍ പള്ളിയുടെ പവിത്രതയും സുരക്ഷയും നിലനിര്‍ത്തുന്നതിന് സുരക്ഷയും ശുചീകരണ സേവനങ്ങളും ശക്തിപ്പെടുത്തുമെന്നും ഉത്തരവില്‍ പറയുന്നു. 

ഖിബ്‌ലതൈന്‍ മസ്ജിദിന്റെ ചരിത്രം

മദീനയുടെ പടിഞ്ഞാറു ഭാഗത്തുള്ള ഹര്‍റത്തുല്‍വബ്‌റ എന്ന പേരിലറിയപ്പെടുന്ന പര്‍വതത്തിന്റെ വടക്കുപടിഞ്ഞാറ് ഭാഗത്ത് അഖീഖുസ്സുഗ്‌റ താഴ വരക്ക് അഭിമുഖമായി ഖാലിദുബ്‌നു വലീദ് റോഡിലാണ് പള്ളി സ്ഥിതിചെയ്യുന്നത്. ഒരേ നമസ്‌കാരത്തില്‍ രണ്ടു ഖിബ്‌ലകളെ അഭിമുഖീകരിച്ച് നമസ്‌കാരം നടന്ന പള്ളി എന്നതാണ് ചരിത്രത്തില്‍ ഈ മസ്ജിദിന്റെ പ്രാധാന്യം.

ജറുസലമിലെ മസ്ജിദുല്‍ അഖ്‌സയായിരുന്നു ആദ്യ കാലത്ത് ഖിബ് ല. അതിനാല്‍ അഖ്‌സക്ക് നേരെ തിരിഞ്ഞായിരുന്നു ആദ്യ താലത്ത് പ്രവാചകന്‍ നിസ്‌കരിച്ചിരുന്നത്. ഇത് മക്കയിലെ വിശുദ്ധ കഅ്ബക്ക് നേരെ ആക്കി മാറ്റുന്നത് സംബന്ധിച്ച് പ്രവാചകന് ദിവ്യ സന്ദേശം ലഭിച്ചത് ഇവിടെ വച്ചാണ്. അതും ഒരു നിസ്‌കാരത്തിനിടെ. ഉച്ച സമയത്തെ (ളുഹ്ര്‍) നിസ്‌കാരത്തിനിടെ 'മസ്ജിദുല്‍ ഹറമിന്റെ നേരെ മുഖം തിരിക്കുക. ഇനി നിങ്ങള്‍ എവിടെയായിരുന്നാലും ആ ഭാഗത്തേക്ക് തിരിഞ്ഞാണ് നിസ്‌കാരം നിര്‍വഹിക്കേണ്ടത്' എന്നായിരുന്നു സന്ദേശം. തുടര്‍ന്ന് കഅ്ബക്കുനേരെ തിരിഞ്ഞ് പ്രവാചകന്‍ നിസ്‌കാരം പൂര്‍ത്തിയാക്കി.
ഇങ്ങനെ ഒരേ നിസ്‌കാരത്തില്‍ രണ്ട് ഖിബ് ലകളെ അഭിമൂഖീകരിച്ച് പ്രവാചകന്‍ നിസ്‌കരിച്ച പള്ളി എന്ന പ്രത്യേകതയുള്ളതിനാലാണ് ഇതിന് ഖിബ്‌ലതൈന്‍ മസ്ജിദ് എന്ന പേര് വന്നത്. മദീനയിലെ ഏറ്റവും പഴക്കമുള്ള പള്ളി കൂടിയാണിത്. 

The Custodian of the Two Holy Mosques King Salman bin Abdulaziz has directed that Madinah’s historic Qiblatain Mosque (Masjid al-Qiblatayn) remain open 24 hours daily to accommodate worshipers at all times. The royal order, announced on Tuesday, expands access to one of the city’s most notable mosques, particularly benefiting night worshipers and visitors seeking spiritual reflection outside conventional prayer times.