കരുനാഗപ്പള്ളി: ഇലക്ട്രോണിക്‌സ് കടയിലുണ്ടായ തീപ്പിടിത്തത്തില്‍ ലക്ഷങ്ങളുടെ നഷ്ടം.  ദേശീയപാത പുതിയകാവ് ഷേഖ് മസ്ജിദിന് സമീപത്തുള്ള ഫിനിഷിംഗ് മാര്‍ക്കറ്റിങ്  എന്ന ഹോം അപ്ലയിന്‍സ് എന്ന സ്ഥാപനമാണ് കത്തി നശിച്ചത്.
ഇന്നലെ രാവിലെ 10.30 ന് ആയിരുന്നു സംഭവം.ഉടമ  കടയടച്ചു സമീപത്തുള്ള ബാങ്കിലേക്ക് പോയ സമയത്തായിരുന്നു തീപ്പിടിത്തമുണ്ടായത്. കടയില്‍ നിന്നും പുക ഉയരുന്നതു കണ്ട അടുത്തുള്ള കടക്കാര്‍ കടയുടമയെയും ഫയര്‍ഫോഴ്‌സിനെയും വിവരമറിയിക്കുകയായിരുന്നു.
കരുനാഗപ്പള്ളിയില്‍ നിന്നു  ഫയര്‍ഫോഴ്‌സിന്റെ രണ്ടു യൂനിറ്റെത്തിയാണ് തീയണച്ചത്.15 ലക്ഷം രൂപയുടെ നാശനഷ്ടം കണക്കാക്കുന്നു.