ചെന്നൈ: ഇന്ത്യയുടെ അത്യാധുനിക കാലാവസ്ഥാ നിരീക്ഷണ ഉപഗ്രഹമായ ഇന്‍സാറ്റ്3ഡിആര്‍ ഇന്ന് വിക്ഷേപിക്കും. ശ്രീഹരിക്കോട്ടയിലെ സതീഷ് ധവാന്‍ സ്‌പേസ് സെന്ററില്‍ നിന്ന് വൈകീട്ട് 4.10 ന്് വിക്ഷേപണം. നടക്കും. വിക്ഷേപണത്തിന്റെ കൗണ്ട് ഡൗണ്‍ ബുധനാഴ്ച്ച രാവിലെ 11.10 ന് ആരംഭിച്ചതായി ഐ.എസ്.ആര്‍.ഒ അധികൃതര്‍ അറിയിച്ചു.

ജിഎസ്എല്‍വിഎഫ്05 റോക്കറ്റിന്റെ സഹായത്തോടെയാണ് ഇന്‍സാറ്റ്3ഡിആര്‍ വിക്ഷേപിക്കുന്നത്. തദ്ദേശിയമായി വികസിപ്പിച്ചെടുത്ത ക്രയോജനിക് എഞ്ചിനാണ് ജി.എസ്.എല്‍.വി.എഫ്.05 ല്‍ ഉപയോഗിക്കുന്നത്.

2211 കിലോഗ്രാമാണ് ഉപഗ്രഹത്തിന്റെ ഭാരം. ഭാരം കൂടുതലുള്ളതിനാലാണ് പിഎസ്എല്‍വിയെ ഒഴിവാക്കി ജിഎസ്എല്‍വി വിക്ഷേപണത്തിന് ഉപയോഗിക്കുന്നത്. കാലാവസ്ഥ, സമുദ്ര, അന്തരീക്ഷ പഠനത്തില്‍ വലിയ മാറ്റമുണ്ടാക്കാന്‍ വിക്ഷേപണം ഈ വിക്ഷേപണം കൊണ്ട് സാധിക്കും.