മൂവാറ്റുപുഴ: കോണ്‍ഗ്രസിന്റെ വിശ്വാസ സംരക്ഷണ യാത്ര ഉദ്ഘാടന പരിപാടിയുടെ പന്തല്‍ തകര്‍ന്നുവീണു. പരിപാടി ആരംഭിക്കാനിരിക്കെയാണ് പന്തല്‍ തകര്‍ന്നത്. മൂവാറ്റുപുഴ ടൗണ്‍ഹാളിനു മുന്‍പിലാണ് സംഭവം.പന്തലിന് അകത്ത് അധികം ആളുകള്‍ ഉണ്ടാവാതിരുന്നതിനാല്‍ വലിയ രീതിയിലുള്ള അപകടം ഒഴിവായി. പന്തലില്‍ ഉണ്ടായിരുന്ന പ്രവര്‍ത്തകര്‍ ഓടിമാറുകയായിരുന്നു. സംഭവത്തില്‍ ആര്‍ക്കും പരുക്കില്ല. 

പന്തലിന്റെ അശാസ്ത്രീയ നിര്‍മാണമാണ് അപകടകാരണമെന്നാണ് സൂചന. പന്തലിന്റെ കാലുകള്‍ തകര്‍ന്നുവീഴുകയായിരുന്നു. പരിപാടി അല്‍പസമയം തടസപ്പെട്ടെങ്കിലും പന്തല്‍ അഴിച്ചുമാറ്റി വേദി നിലവില്‍ ക്രമീകരിച്ചതിന്റെ എതിര്‍വശത്തേക്ക് മാറ്റിയതിനു ശേഷം വീണ്ടും തുടര്‍ന്നു. 

ഇന്റര്‍ലോക്ക് ടൈല്‍ പാകിയ നിലത്ത് പന്തലിന്റെ കാലുകള്‍ കുഴിച്ചിടാതെ സ്ഥാപിക്കുന്ന രീതിയില്‍ ആയിരുന്നു നിര്‍മിച്ചിരുന്നത്. സുരക്ഷാ ക്രമീകരണങ്ങളുടെ വീഴ്ച്ചയാണ് അപകടകാരണമെന്നും പന്തലുകാരെ വിളിച്ച് കാര്യം അന്വേഷിക്കുമെന്നും പ്രവര്‍ത്തകര്‍ പറഞ്ഞു. 

English  Summary:A major mishap was narrowly avoided in Muvattupuzha as the canopy for the Congress’ ‘Vishwas Samrakshana Yatra’ inaugural event collapsed just moments before the program was set to begin. The incident occurred in front of Muvattupuzha Town Hall. Fortunately, since few people were inside the tent at the time, no injuries were reported.