മാഡ്രിഡ്: കഴിഞ്ഞ ദിവസം നടന്ന ആവേശകരമായ എൽക്ലാസിക്കോ പോരാട്ടത്തിൽ ബാഴ്‌സലോണക്കെതിരെ റയൽ മാഡ്രിഡ് തകർപ്പൻ വിജയമാണ് സ്വന്തമാക്കിയത്. മത്സരത്തിൽ ബാഴ്‌സലോണയെ ഒന്നിനെതിരെ രണ്ട് ഗോളുകൾക്ക് തകർത്താണ് റയൽ കുതിപ്പ് തുടരുന്നത്. മത്സരത്തിൽ റയലിനായി കിലിയൻ എംബാപ്പേ, ജൂഡ് ബെല്ലിങ്ഹാം എന്നിവർ റയലിനായി വല കുലുക്കി. ഫെർമിൻ ലോപ്പസിലൂടെയാണ് ബാഴ്‌സയുടെ ആശ്വാസ ഗോൾ കണ്ടെത്തിയത്. 

21ാം നൂറ്റാണ്ടിൽ ബാഴ്സലോണക്കെതിരെ തുടർച്ചയായ നാല് എൽക്ലാസിക്കോ മത്സരങ്ങളിൽ ഗോൾ നേടുന്ന രണ്ടാമത്തെ താരം കൂടിയാണ് എംബാപ്പെ. റയലിന്റെ എക്കാലത്തെയും മികച്ച ഇതിഹാസതാരമായ ക്രിസ്റ്റ്യാനോ റൊണാൾഡോക്ക് ശേഷമാണ് എംബാപ്പെ ഇത്തരത്തിൽ നാല് എൽക്ലാസിക്കോ പോരാട്ടങ്ങളിൽ എതിരാളികളുടെ വല കുലുക്കിയത്. 2012ലാണ് റൊണാൾഡോ ഈ നേട്ടം കൈവരിച്ചിരുന്നത്. ബാഴ്സലോണക്കെതിരെ ഒമ്പത് മത്സരങ്ങളിൽ നിന്നും 12 ഗോളുകളാണ് ഫ്രഞ്ച് താരം നേടിയത്. 

റയൽ മാഡ്രിഡിനായി അരങ്ങേറ്റ സീസണിൽ തന്നെ മിന്നും പ്രകടനമാണ്  എംബാപ്പെ നടത്തിയത്. റൊണാൾഡോയുടെ ഗോൾ സ്കോറിങ്ങിന്റെ റെക്കോർഡും എംബാപ്പെ തകർത്തിരുന്നു. റൊണാൾഡോ തന്റെ അരങ്ങേറ്റ സീസണിൽ 33 ഗോളുകളായിരുന്നു നേടിയിരുന്നത്. 2009 സീസണിലാണ് റൊണാൾഡോ ഈ റെക്കോർഡ് ഗോൾ സ്കോറിന് നടത്തിയത്. റയലിനായി അരങ്ങേറ്റ സീസണിൽ ഏറ്റവും കൂടുതൽ ഗോൾ നേടിയത് ഇവാൻ സമോറാനോയുടെ റെക്കോർഡും ഫ്രഞ്ച് താരം തകർത്തിരുന്നു. 1992-93 സീസണിൽ 37 ഗോളുകൾക്കായിരുന്നു താരം അടിച്ചുകൂട്ടിയത്.

അതേസമയം മത്സരത്തിൽ 22ാം മിനുട്ടിൽ ജൂഡ് ബെല്ലിങ്ഹാമിന്റെ പാസിലാണ് എംബാപ്പെ റയലിനായി ആദ്യ ഗോൾ നേടിയത്. മറുപടിയായി 38ാം മിനുട്ടിൽ ഫെർമിൻ ബാഴ്‌സക്കായി ഗോൾ നേടി. 43ാം മിനുട്ടിൽ ജൂഡ് ബെല്ലിങ്ഹാമിലൂടെ റയൽ രണ്ടാം ഗോൾ നേടിയതോടെ റയൽ വീണ്ടും മുന്നിലെത്തി. രണ്ടാം പകുതിയിൽ ബാഴ്‌സ നിരന്തരം റയൽ ബോക്‌സിൽ ആക്രമണം നടത്തിയെങ്കിലും റയലിന്റെ പ്രതിരോധ നിര ശക്തമായി നിലയുറപ്പിക്കുകയായിരുന്നു. 

Real Madrid secured a convincing victory over Barcelona in a thrilling El Clasico clash yesterday. Kylian Mbappe scored for Real in the match. Mbappe is also the second player in the 21st century to score in four consecutive El Clasico matches against Barcelona.