ഓമശ്ശേരി: നടമ്മല്‍പൊയില്‍ കെടയത്തൂര്‍ ജി.എം.എല്‍.പി സ്‌കൂളില്‍ സ്‌നേഹപൂര്‍വം സുപ്രഭാതം പദ്ധതി ആരംഭിച്ചു. നടമ്മല്‍പൊയില്‍ എസ്.വൈ.എസ് യൂനിറ്റ് കമ്മിറ്റി സ്‌പോണ്‍സര്‍ ചെയ്ത പത്രം യൂനിറ്റ് പ്രസിഡന്റ് കെ.കെ കരീം ഹാജി സ്‌കൂള്‍ ലീഡര്‍ മുഹമ്മദ് ഷരീഫിന് കോപ്പി നല്‍കി ഉദ്ഘാടനം ചെയ്തു.
പി.ടി.എ പ്രസിഡന്റ് ടി.എന്‍ അബ്ദുറസാഖ് അധ്യക്ഷനായി. സുപ്രഭാതം മുക്കം ലേഖകന്‍ നവാസ് ഓമശ്ശേരി പദ്ധതി വിശദീകരിച്ചു. കെ.പി.സി ഇബ്രാഹീം, എ.കെ അബ്ദുല്ലത്തീഫ്, കെ.കെ അബൂബക്കര്‍ മാസ്റ്റര്‍, എം.കെ അബൂബക്കര്‍കുട്ടി മാസ്റ്റര്‍, ഇ.കെ ഷൗക്കത്ത്, അഷ്‌റഫ്, ഷക്കീര്‍ പെരിവില്ലി, ബുഷ്‌റ സംസാരിച്ചു.