.

ചെറുവത്തൂര്‍ :നവീകരിച്ച ചെറുവത്തൂര്‍ ബസ് സ്റ്റാന്റ് ഇന്ന് ജനങ്ങള്‍ക്കായി തുറന്നു കൊടുക്കും. ഉദ്ഘാടന ചടങ്ങിനുള്ള അവസാനവട്ട ഒരുക്കങ്ങള്‍ പൂര്‍ത്തിയായി. 11ന് മന്ത്രി കെ ടി ജലീല്‍ ബസ് സ്റ്റാന്റ് ജനങ്ങള്‍ക്കായി തുറന്ന് കൊടുക്കും.
ഇതിനു മുന്നോടിയായി പഞ്ചാവാദ്യത്തിന്റെ അകമ്പടിയോടെ ഘോഷയാത്ര നടക്കും. മര്‍ച്ചന്റ് അസോസിയേഷന്റെ നേതൃത്വത്തില്‍ സ്റ്റാന്റിന്റെ പടിഞ്ഞാറ് വശത്ത് കാത്തിരിപ്പ് കേന്ദ്രം ഒരുക്കിക്കഴിഞ്ഞു. വ്യാപാരി വ്യവസായി സമിതിയാണ് ഇന്‍വെര്‍ട്ടര്‍ സംഭാവന ചെയ്തത്. എല്‍.ഇ.ഡി വിളക്കുകള്‍, ടടെലിവിഷനുകള്‍, ഡിജിറ്റല്‍ ഡിസ്‌പ്ലേ, എയര്‍പോര്‍ട്ട് ചെയറുകള്‍, ഫാനുകള്‍ എന്നിവയെല്ലാം വിവിധ വ്യക്തികള്‍, സഹകരണ സ്ഥാപനങ്ങള്‍, സംഘടനകള്‍ എന്നിവരില്‍ നിന്നാണ് ലഭിച്ചത്.