പയ്യന്നൂര്‍: തായിനേരി തുളുവന്നൂര്‍ ക്ഷേത്രം റോഡിന് സമീപം വാടകവീട്ടില്‍ താമസിക്കുന്ന ബാര്‍ബര്‍ തൊഴിലാളികളുടെ മുറിയില്‍ പട്ടാപ്പകല്‍ മോഷണം. ഉത്തര്‍പ്രദേശിലെ മുറാദാബാദ് സ്വദേശി മുഹമ്മദ് നഹീമിന്റെ ഇരുപതിനായിരം രൂപയാണ് മോഷണം പോയത്. ടൗണിലെ എം.എസ് സലൂണിലെ ജീവനക്കാര്‍ താമസിക്കുന്ന മുറിയിലായിരുന്നു മോഷണം. ബൈക്കിലെത്തിയ യുവാവാണ് മോഷണം നടത്തിയത്. മോഷണത്തിനുശേഷം ബൈക്ക് റോഡരികില്‍ ഉപേക്ഷിച്ച് മോഷ്ടാവ് കടന്നുകളയുകയായിരുന്നു. ബൈക്ക് പൊലിസ് കസ്റ്റഡിയിലെടുത്തു.