പത്തനംതിട്ട: ശബരിമല ശ്രീകോവിൽ കട്ടിള പാളിയിലെ സ്വർണ്ണം കവർച്ച ചെയ്ത സംഭവത്തിൽ ഉണ്ണികൃഷ്ണൻ പോറ്റിയുടെ അറസ്റ്റ് ഇന്ന്. റിമാൻഡിലുള്ള പ്രതിയുടെ കസ്റ്റഡി ആവശ്യപ്പെട്ടുകൊണ്ട് അന്വേഷണസംഘം റാന്നി കോടതിയെ സമീപിക്കും. ആദ്യത്തെ കേസിൽ ഉണ്ണികൃഷ്ണൻ പോറ്റിയെ 14 ദിവസത്തേക്ക് ആണ് കസ്റ്റഡിയിൽ വിട്ടിരുന്നത്. കേസിലെ മറ്റൊരു പ്രതിയായ മുരാരി ബാബു ഇന്ന് ജാമ്യാപേക്ഷയും സമർപ്പിക്കാൻ സാധ്യതയുണ്ട്.