ഇന്ത്യൻ സൂപ്പർതാരം വിരാട് കോഹ്‌ലിയിൽ നിന്നും ലഭിച്ച വലിയ പിന്തുണയെക്കുറിച്ച് സംസാരിച്ചിരിക്കുകയാണ് അഫ്ഗാൻ ബാറ്റർ റഹ്മാനുള്ള ഗുർബാസ്. അടുത്തിടെ തന്റെ പ്രകടനം മോശമായപ്പോൾ കോഹ്‌ലിയുമായി താൻ സംസാരിച്ചുവാണെന്നും അത് തനിക്ക് തിരിച്ചുവരാൻ പ്രചോദനമായെന്നുമാണ് ഗുർബാസ് പറഞ്ഞത്. സ്പോർട്സ് തക്കിന് നൽകിയ അഭിമുഖത്തിൽ സംസാരിക്കുകയായിരുന്നു അഫ്ഗാൻ താരം. 

''എന്റെ ദുഷ്‌കരമായ സമയങ്ങളിൽ വിരാട് കോഹ്‌ലി എന്നെ പിന്തുണച്ചു. എനിക്ക് ഒരു പ്രശ്‌നം നേരിടുന്ന സമയത്തെല്ലാം ഞാൻ അദ്ദേഹത്തോട് സംസാരിച്ചു. ഇത് എന്നെ സഹായിച്ചു. അടുത്തിടെ എന്റെ പ്രകടനം മോശമായപ്പോൾ ഞാൻ അദ്ദേഹത്തോട് സംസാരിച്ചു. അദ്ദേഹം എന്നോട് ധാരാളം കാര്യങ്ങൾ പറഞ്ഞു. ഇതിന്‌ ശേഷം നടന്ന അടുത്ത മത്സരത്തിൽ ഞാൻ 90ലധികം റൺസ് നേടി" റഹ്മാനുള്ള ഗുർബാസ് പറഞ്ഞു. 

അതേസമയം ഏകദിനത്തിൽ മിന്നും പ്രകടനമാണ് കോഹ്‌ലി നടത്തിക്കൊണ്ടിരിക്കുന്നത്. സൗത്ത് ആഫ്രിക്കക്കെതിരെയുള്ള ഏകദിന പരമ്പരയിൽ മിന്നും പ്രകടനമാണ് കോഹ്‌ലി നടത്തിയത്. സൗത്ത് ആഫ്രിക്കക്കെതിരെ ആദ്യ രണ്ട് മത്സരങ്ങളിലും സെഞ്ച്വറി നേടി തിളങ്ങിയ കോഹ്‌ലി അവസാന ഏകദിനത്തിൽ കോഹ്‌ലി സെഞ്ച്വറിയും സ്വന്തമാക്കി. മൂന്ന് മത്സരങ്ങളിൽ നിന്നും 302 റൺസാണ് വിരാട് നേടിയത്. 

ഈ മിന്നും പ്രകടനങ്ങൾക്ക് പിന്നാലെ ഐസിസിയുടെ ഏകദിന ബാറ്റിംഗ് റാങ്കിങ്ങിൽ വമ്പൻ കുതിപ്പാണ് കോഹ്‌ലി നടത്തിയത്. റാങ്കിങ്ങിൽ നാലാം സ്ഥാനത്തു നിന്നും കോഹ്‌ലി രണ്ടാം സ്ഥാനത്തേക്കാണ് കുതിച്ചത്. 773 റേറ്റിങ് പോയിന്റുമായാണ് കോഹ്‌ലിയുടെ മുന്നേറ്റം. 

Afghan batsman Rahmanullah Gurbaz has spoken about the immense support he has received from Indian superstar Virat Kohli. Gurbaz said that he spoke to Kohli when his performance was poor recently and that it inspired him to come back.