തിരുവനന്തപുരം: വീട്ടില്‍ പോവാനായി റോഡില്‍ നില്‍ക്കുകയായിരുന്ന വീട്ടമ്മയുടെ മുഖത്ത് പെപ്പര്‍ സ്‌പ്രേ അടിച്ച് മാല പൊട്ടിക്കാന്‍ ശ്രമിച്ച രണ്ടു പേരെ പൊലിസ് അറസ്റ്റ് ചെയ്തു. അരുവിക്കര സ്വദേശികളായ ഓട്ടോ ഡ്രൈവര്‍ അല്‍ അസര്‍ (35), നൗഷാദ് (31) എന്നിവരെയാണ് പൊലിസ് പിടികൂടിയത്. ശനിയാഴ്ച വൈകീട്ടായിരുന്നു സംഭവം. മുണ്ടേല സ്വദേശിയായ സുലോചനയുടെ (68) മാലയാണ് ഇരുവരും ചേര്‍ന്ന് പൊട്ടിക്കാന്‍ ശ്രമിച്ചത്.

വീട്ടില്‍ പോകാനായി നെടുമങ്ങാട്ട് നില്‍ക്കുകയായിരുന്ന സുലോചനയുടെ അടുത്തേക്ക് ഓട്ടോറിക്ഷയുമായെത്തിയ ഇവര്‍ മുണ്ടേലയിലേക്കു പോവുകയാണെന്ന് അറിയിച്ചു. ഇതോടെ സുലോചന ഓട്ടോയില്‍ കയറി. കോതമംഗലത്ത് ഓട്ടോ എത്തിയപ്പോള്‍ ഇവര്‍ സുലോചനയുടെ മുഖത്ത് പെപ്പര്‍ സ്‌പ്രേ അടിച്ച് മാല പൊട്ടിക്കാന്‍ ശ്രമിക്കുകയായിരുന്നു.

സുലോചനയുടെ നിലവിളി കേട്ട് ഓടിയെത്തിയ നാട്ടുകാരാണ് നൗഷാദിനെ പിടികൂടി പൊലിസിലേല്‍പ്പിച്ചത്. ഓട്ടോ ഡ്രൈവര്‍ അല്‍ അസര്‍ ഓടിരക്ഷപ്പെടുകയും ചെയ്തു. ഇയാളെ പിന്നീട് അരുവിക്കര പൊലിസ് കസ്റ്റഡിയിലെടുത്തു. കോടതിയില്‍ ഹാജരാക്കിയ പ്രതികളെ റിമാന്‍ഡ് ചെയ്തിരിക്കുകയാണ്.

In Thiruvananthapuram, police arrested two men — Al Asar (35) and Noushad (31), both auto drivers from Aruvikkara — for attempting to snatch a woman’s gold chain after attacking her with pepper spray.The incident occurred on Saturday evening when 68-year-old Sulochana from Mundela was waiting on the road to go home. The accused approached her in an autorickshaw, claiming they were heading to Mundela, and she got in. When they reached Kothamangalam, the men sprayed pepper spray on her face and tried to snatch her chain.