പാലക്കാട്: അട്ടപ്പാടിയിൽ കരുവാര ഊരിൽ വീട് ഇടിഞ്ഞുവീണ് സഹോദരങ്ങൾക്ക് ദാരുണാന്ത്യം. അജയ് - ദേവി ദമ്പതികളുടെ മക്കളായ ആദി (7) അജ്നേഷ് (4) എന്നിവരാണ് മരണപ്പെട്ടത്. ബന്ധുവായ അഭിനയ (6) എന്ന കുട്ടിക്ക് ഗുരുതരമായി പരുക്കേറ്റു. അഭിനയ നിലവിൽ ചികിത്സയിലാണ്.

ALSO READ: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച സംഭവം: ബി.ജെ.പി എംഎൽഎക്കെതിരെ കേസെടുത്ത് പൊലിസ്

മുക്കാലിയിൽ നിന്ന് നാല് കിലോമീറ്റർ അകലെ വനത്തിനുള്ളിലെ ഊരിലാണ് അപകടം നടന്നത്. പ്രദേശത്ത് മൊബൈൽ ടവർ ഇല്ലാത്തതിനാൽ അപകടം സംഭവിച്ചയുടനെ രക്ഷപ്പെടുത്താൻ കഴിഞ്ഞില്ലെന്നാണ് വിവരം. കുട്ടികളെ ആദ്യം സ്കൂട്ടറിലാണ് വനം വകുപ്പിന്റെ ഓഫീസിലെത്തിച്ചത്. പിന്നീട് അവിടുന്നാണ് വനം വകുപ്പിന്റെ ജീപ്പിൽ ആശുപത്രിയിലേക്ക് എത്തിച്ചത്

ALSO READ: 'മാതാപിതാക്കളോട് നീതി പുലർത്താനായില്ലെന്ന് കുറിപ്പ്'; നീറ്റ് പ്രവേശന പരീക്ഷയ്ക്ക് തയ്യാറെടുത്തിരുന്ന വിദ്യാർഥി ആത്മഹത്യ ചെയ്തു

ആൾത്താമസമില്ലാതെ ഏകദേശം എട്ട് വർഷമായി ഉപയോഗശൂന്യമായി കിടന്നിരുന്ന വീടാണ് ഇടിഞ്ഞ് വീണത്. മേൽക്കൂരയില്ലാത്ത ഈ വീട് മഴയും വെയിലുമേറ്റ് ദുർബലമായ അവസ്ഥയിലായിരുന്നു. അപകടം നടന്ന വീടിന്റെ തൊട്ടടുത്താണ് കുട്ടികളുടെ വീട്. സ്കൂൾ അവധിയായതിനാൽ കുട്ടികൾ ഇവിടെ കളിക്കാനായി എത്തിയതായിരുന്നു. വീടിന്റെ സൺഷേഡിൽ കയറി കളിക്കുന്നതിനിടെയാണ് ദുരന്തമുണ്ടായത്. സ്ഥിരമായി കുട്ടികൾ ഈ ഭാഗത്ത് കളിക്കാനും വീട്ടുകാർ തുണി ഉണക്കാനിടാനും എത്താറുണ്ടായിരുന്നു. മരിച്ച കുട്ടികളുടെ മൃതദേഹങ്ങൾ കോട്ടത്തറ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. 

in the tragic incident in Karuvara Ooru, Palakkad's Attappadi, two siblings, Adi (7) and Ajnesh (4), died when a partially constructed, dilapidated house collapsed while they were playing on the sunshade. a relative, Abhinaya (6), was seriously injured and is undergoing treatment.