ഷിംല: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച സംഭവത്തിൽ ഹിമാചൽ പ്രദേശിലെ ബിജെപി എംഎൽഎ ഹൻസ് രാജിനെതിരെ പോക്‌സോ കേസ് ചുമത്തി പൊലിസ് കേസെടുത്തു. യുവതി നൽകിയ പരാതിയുടെ അടിസ്ഥാനത്തിലാണ് പൊലിസ് നടപടി. പോക്‌സോ നിയമത്തിലെ സെക്ഷൻ 6 (തീവ്രമായ ലൈംഗികാതിക്രമം), ഭാരതീയ ന്യായ് സംഹിതയിലെ സെക്ഷൻ 69 എന്നീ വകുപ്പുകൾ പ്രകാരമാണ് എംഎൽഎയ്‌ക്കെതിരെ കേസ് രജിസ്റ്റർ ചെയ്തതെന്ന് പൊലിസ് അറിയിച്ചു.

ALSO READ: ബെം​ഗളൂരുവിൽ ബൈക്ക് ടാക്‌സി യാത്രയ്ക്കിടെ ലൈംഗികാതിക്രമ ശ്രമം: യുവതിയുടെ പരാതിയിൽ ഡ്രൈവർക്കെതിരെ കേസ്

കുറ്റകൃത്യം നടക്കുമ്പോൾ പെൺകുട്ടിക്ക് പ്രായപൂർത്തിയായിരുന്നില്ലെന്ന് പൊലിസ് ഉദ്യോഗസ്ഥൻ വ്യക്തമാക്കി. സമ്മതമില്ലാതെയാണ് ശാരീരിക ബന്ധത്തിലേർപ്പെട്ടതെന്നും, പീഡനം നടന്ന സ്ഥലമുൾപ്പെടെയുള്ള വിവരങ്ങൾ അതിജീവിതയുടെ മൊഴിയിലുണ്ടെന്നും അദ്ദേഹം പറഞ്ഞു.

ALSO READ: 'മാതാപിതാക്കളോട് നീതി പുലർത്താനായില്ലെന്ന് കുറിപ്പ്'; നീറ്റ് പ്രവേശന പരീക്ഷയ്ക്ക് തയ്യാറെടുത്തിരുന്ന വിദ്യാർഥി ആത്മഹത്യ ചെയ്തു

കഴിഞ്ഞ വർഷവും എംഎൽഎയ്‌ക്കെതിരെ പെൺകുട്ടി പരാതി നൽകിയിരുന്നു. ഫോണിലൂടെ ഭീഷണിപ്പെടുത്തുന്നുവെന്നും അശ്ലീല ദൃശ്യങ്ങൾ ആവശ്യപ്പെടുന്നുവെന്നുമാണ് അന്ന് പെൺകുട്ടി ആരോപിച്ചിരുന്നത്. എന്നാൽ അന്ന് ബലാത്സംഗ ആരോപണം ഉന്നയിച്ചിരുന്നില്ല. നിലവിൽ പെൺകുട്ടി പ്രായപൂർത്തിയായെങ്കിലും, പോക്‌സോ നിയമപ്രകാരമുള്ള നടപടിക്രമങ്ങൾ പാലിച്ച് അതിജീവിതയുടെ ഐഡന്റിറ്റി രഹസ്യമായി സൂക്ഷിക്കുമെന്നും പൊലിസ് അറിയിച്ചു.

അതിജീവിതയായ പെൺകുട്ടിയെയും പിതാവിനെയും തട്ടിക്കൊണ്ടുപോയതിനും എംഎൽഎയ്‌ക്കെതിരായ മൊഴി മാറ്റാൻ നിർബന്ധിച്ചതിനും ഹൻസ് രാജിന്റെ പേഴ്‌സണൽ അസിസ്റ്റന്റ് ലേഖ് രാജ്, അടുത്ത സഹായി മുനിയാർ ഖാൻ എന്നിവർക്കെതിരെ ചമ്പാ പൊലിസ് കേസെടുത്ത് എഫ്‌ഐആർ രജിസ്റ്റർ ചെയ്തിരുന്നു. തനിക്കെതിരായ ആരോപണങ്ങൾ ദുരുദ്ദേശപരവും രാഷ്ട്രീയപ്രേരിതവുമാണ് എന്നാണ് എംഎൽഎ ഹൻസ് രാജ് അവകാശവാദം ഉന്നയിക്കുന്നത്.

A police case, including charges under the Protection of Children from Sexual Offences (POCSO) Act, has been filed against a BJP MLA for allegedly sexually assaulting a woman. The specific details about the MLA and the state he represents are not clearly mentioned in the original Malayalam headline, but based on recent news, a BJP MLA named Hans Raj from Himachal Pradesh was recently booked under the POCSO Act after a woman accused him of sexual assault when she was a minor.