കൊച്ചി: എറണാകുളം-ബെംഗളൂരു വന്ദേഭാരത് എക്സ്പ്രസിന്റെ ഉദ്ഘാടന ചടങ്ങിനിടെ ആർഎസ്എസ് ഗണഗീതം ആലപിക്കുന്ന വീഡിയോ ദക്ഷിണ റെയിൽവേ വീണ്ടും പങ്കുവെച്ചത് വിവാദമായി. നേരത്തെ ഈ പോസ്റ്റ് വലിയ വിമർശനങ്ങളെ തുടർന്ന് ദക്ഷിണ റെയിൽവേയുടെ സമൂഹമാധ്യമ പേജുകളിൽ നിന്ന് നീക്കം ചെയ്തിരുന്നു.

എക്‌സ് അക്കൗണ്ടിലാണ് ദക്ഷിണ റെയിൽവേ വീഡിയോ വീണ്ടും പോസ്റ്റ് ചെയ്തിരിക്കുന്നത്. "എറണാകുളം-ബെംഗളൂരു വന്ദേഭാരത് എക്‌സ്പ്രസിന്റെ ഉദ്ഘാടന വേളയിൽ സരസ്വതി വിദ്യാലയത്തിലെ വിദ്യാർഥികൾ അവരുടെ സ്‌കൂൾ ഗാനം മനോഹരമായി അവതരിപ്പിച്ചു," എന്ന കുറിപ്പോടെയാണ് വീഡിയോ പോസ്റ്റ് ചെയ്തത്. ഗണഗീതത്തിന്റെ ഇംഗ്ലീഷ് പരിഭാഷയും പോസ്റ്റിൽ ഉൾപ്പെടുത്തിയിട്ടുണ്ട്. ഇന്ന് രാവിലെയാണ് എറണാകുളം സൗത്ത് റെയിൽവേ സ്റ്റേഷനിൽ നിന്ന് ഉദ്ഘാടന ഓട്ടം നടത്തിയ വന്ദേഭാരത് എക്സ്പ്രസിൽ വിദ്യാർഥികളെകൊണ്ട് ആർഎസ്എസ് ഗണഗീതം ആലപിപ്പിച്ചത്.

ALSO READ: റെയിൽവേയെ രാഷ്ട്രീയ ആശയ പ്രദർശനത്തിൻ്റെ വേദിയാക്കിയത് ദൗർഭാഗ്യകരം: വന്ദേഭാരതിലെ RSS ഗണഗീതം പൊതുസംവിധാനത്തെയാകെ കാവിവത്കരിക്കാനുള്ള ശ്രമം; കെ.സി വേണുഗോപാൽ

ദക്ഷിണ റെയിൽവേയുടെ നടപടിയിൽ മുഖ്യമന്ത്രി പിണറായി വിജയൻ രൂക്ഷവിമർശനമുയർത്തിയിരുന്നു. അപരമത വിദ്വേഷവും വർഗ്ഗീയ വിഭജന രാഷ്ട്രീയവും പ്രചരിപ്പിക്കുന്ന ആർഎസ്എസിന്റെ ഗാനം ഔദ്യോഗിക പരിപാടിയിൽ ഉൾപ്പെടുത്തിയത് ഭരണഘടനാ തത്വങ്ങളുടെ ലംഘനമാണെന്ന് മുഖ്യമന്ത്രി പറഞ്ഞു. രാജ്യത്തെ ഏറ്റവും വലിയ പൊതുമേഖലാ സ്ഥാപനമായ റെയിൽവേയെ വർഗ്ഗീയ രാഷ്ട്രീയ പ്രചാരണത്തിനായി ഉപയോഗിക്കുന്നത് അംഗീകരിക്കാനാവില്ലെന്നും മുഖ്യമന്ത്രി വ്യക്തമാക്കി.

ALSO READ: 'വന്ദേ ഭാരത് നിർമ്മിച്ചത് ജനങ്ങളുടെ നികുതിപ്പണം കൊണ്ട്, നാഗ്പൂരിലെ അപ്പൂപ്പന്മാർ കൊടുത്തുവിട്ട പണം കൊണ്ടല്ല': വി.കെ സനോജ്

ഗണഗീതം ആലപിച്ച സംഭവത്തിൽ പ്രതിഷേധം അറിയിച്ച് എഐസിസി ജനറൽ സെക്രട്ടറി കെ.സി. വേണുഗോപാൽ എം.പി. കേന്ദ്ര റെയിൽവേമന്ത്രിക്ക് കത്തയച്ചു. കുട്ടികളെക്കൊണ്ട് ഗണഗീതം ആലപിച്ചത് ഞെട്ടിക്കുന്ന സംഭവമാണെന്നും ആർഎസ്എസ് നിയന്ത്രിത സ്വേച്ഛാധിപത്യത്തിലേക്കുള്ള നീക്കമാണിതെന്നും അദ്ദേഹം ആരോപിച്ചു.

ഡി.വൈ.എഫ്.ഐ. സംസ്ഥാന സെക്രട്ടറി വി.കെ. സനോജും വിഷയത്തിൽ പ്രതികരിച്ചു. "നാഗ്പൂരിലെ അപ്പൂപ്പൻമാർ കൊടുത്തുവിട്ട പണം കൊണ്ടല്ല വന്ദേഭാരത് നിർമിച്ചത്. ട്രെയിൻ നിർമിച്ചത് ജനങ്ങളുടെ നികുതി പണം കൊണ്ടാണ്. ഗണഗീതം ആർഎസ്എസ് ശാഖയിൽ പാടിയാൽ മതി," സനോജ് വിമർശിച്ചു.

ALSO READ: വന്ദേഭാരതിന്റെ ഉദ്ഘാടന ചടങ്ങില്‍ ഗണഗീതം: ഭരണഘടനാതത്വങ്ങളുടെ ലംഘനം, ആര്‍എസ്എസിന്റെ വര്‍ഗ്ഗീയ അജണ്ടയ്ക്ക് റെയില്‍വേ കുടപിടിക്കുന്നുവെന്ന് മുഖ്യമന്ത്രി

ആദ്യമായി വീഡിയോ പങ്കുവെച്ചപ്പോൾ 'ദേശഭക്തി ഗാനം' എന്ന ക്യാപ്ഷനോടെയായിരുന്നു ദക്ഷിണ റെയിൽവേ പോസ്റ്റ് ചെയ്തത്. പിന്നാലെ വ്യാപക വിമർശനം ഉയർന്നതോടെയാണ് ഈ പോസ്റ്റ് റെയിൽവേ നീക്കം ചെയ്തത്. ഇപ്പോൾ അതേ വീഡിയോ തന്നെ പുതിയ കുറിപ്പോടെയാണ് റെയിൽവേ പങ്കുവെച്ചിരിക്കുന്നത്.

The Southern Railway faced renewed controversy after re-posting a video on its X (formerly Twitter) account showing students singing an RSS Ganageetham (organizational song) aboard the inaugural run of the Ernakulam-Bengaluru Vande Bharat Express. The railway had initially deleted the video following widespread criticism. The re-shared post was accompanied by a caption identifying it as the students' "school song" and included an English translation of the lyrics.