കയ്പമംഗലം: പെരിഞ്ഞനം വെസ്റ്റ് പ്രതീക്ഷാ കലാസാംസ്‌കാരിക കേന്ദ്രത്തിന്റെ ഓണം - ബക്രീദ് ആഘോഷങ്ങള്‍ക്ക് തുടക്കമായി. ഇതോടനുബന്ധിച്ച് പെരിഞ്ഞനം ഗ്രാമപഞ്ചായത്തിലെ നിരാലംബരായ ആശ്രയ കുടുംബങ്ങള്‍ക്കും കിടപ്പ് രോഗികള്‍ക്കും ഓണം - ബക്രീദ് കിറ്റ് വീടുകളില്‍ എത്തിച്ചു നല്‍കി. ഇന്നലെ രാവിലെ നടന്ന ചടങ്ങില്‍ പെരിഞ്ഞനം ഗ്രാമപഞ്ചായത്ത് പ്രസിഡന്റ് കെ.കെ സച്ചിത്ത് ഓണവണ്ടിയുടെ ഉദ്ഘാടനം നിര്‍വഹിച്ചു.
രഞ്ജിത്ത് കിഴക്കേടത്ത് ഫ്‌ളാഗ് ഓഫ് ചെയ്തു. പഞ്ചായത്ത് വൈസ് പ്രസിഡന്റ് സായിദ മുത്തുക്കോയ തങ്ങള്‍ അധ്യക്ഷയായി. എ.ആര്‍ രവീന്ദ്രന്‍, കെ.യു ജോഷി, കെ.കെ മുരളി, ബിന്ദു ലോഹിതാക്ഷന്‍, പി.വി ഗിരീഷ് സംസാരിച്ചു. തുടര്‍ന്നുള്ള ദിവസങ്ങളില്‍ മൈലാഞ്ചി മത്സരം, ഒപ്പന, ഗാനമേള, മതേതര സംഗമം, ഷട്ടില്‍ ടൂര്‍ണമെന്റ്, സാംസ്‌കാരിക ഘോഷയാത്ര, പൂക്കള മത്സരം, വടംവലി മത്സരം, നൃത്ത നൃത്ത്യങ്ങള്‍ എന്നിവ നടക്കും.