കൊല്ലം: സുരക്ഷക്കായി നിയോഗിക്കപ്പെട്ട വനിത പൊലിസ് സ്പെഷ്യൽ ഓഫീസർക്ക് യുവാവിന്റെ ക്രൂരമർദ്ദനം. കഴിഞ്ഞദിവസം രാത്രി 11 മണിക്കായിരുന്നു സംഭവം നടന്നത്. ടിബി ജംഗ്ഷനിൽ ഡ്യൂട്ടിയിലായിരുന്ന വനിതാ സ്പെഷ്യൽ ഓഫീസർ വിശ്രമിക്കുന്നതിനായി തൂക്കുപാലത്തിനു മുൻവശത്തിനുള്ള ഫുട്പാത്തിന്റെ അകത്തിരിക്കുമ്പോഴായിരുന്നു സ്പെഷ്യൽ ഓഫീസർക്ക് നേരെ ആക്രമണം ഉണ്ടായത്. 

സംഭവത്തിൽ കല്ലുംതാഴം സ്വദേശി നന്ദുവിനെ പൊലിസ് അറസ്റ്റ് ചെയ്തു. വലിയപാലം വഴി എത്തിയ നന്ദു സ്പെഷ്യൽ ഓഫീസറെ മുടിയിൽ പിടിച്ചു വലിക്കുകയും പിടിച്ചു തള്ളുകയും ആയിരുന്നുവെന്നാണ് പൊലിസ് വ്യക്തമാക്കിയത്. ഇതാദ്യമായിട്ടാണ് ഒരു വനിത ജീവനക്കാരി ഇവിടെ ആക്രമണത്തിന് ഇരയാവുന്നത്.