കൊച്ചി: എറണാംകുളം കേന്ദ്രീകരിച്ചുകൊണ്ട് 100 കിലോ ചന്ദനതടി കടത്താനുള്ള ശ്രമം പിടികൂടി വനം വകുപ്പ്. മെയ്ക്കപ്പാല ഫോറസ്റ്റ് റേഞ്ചിലെ ഉദ്യോഗസ്ഥ സംഘമാണ് ചന്ദനം പിടിച്ചത്. ഇടുക്കി ഇരട്ടയാർ സ്വദേശികളാണ് ചന്ദനം കടത്താൻ ശ്രമിച്ചത്. ഇടുക്കി സ്വദേശികളായ ശരൺ ശശി, ഷാജി വിഎസ്, നിഖിൽ സുരേഷ്, ചാർളി ജോസഫ്, അനീഷ് മാത്യു എന്നിവരാണ് അറസ്റ്റിലായത്. രണ്ട് കാറുകളിലായാണ് ഇവർ ചന്ദനത്തടികൾ കടത്താൻ ശ്രമിച്ചത്.  

രാജാക്കാട്, പൂപ്പാറ എന്നീ സ്ഥലങ്ങൾ കേന്ദ്രീകരിച്ചാണ് സംഘം പ്രവർത്തിക്കുന്നതെന്നാണ് വിവരം. ചന്ദനത്തടി ഉപയോഗിച്ച് കൊണ്ട് ശില്പങ്ങൾ നിർമ്മിക്കുന്ന സംഘങ്ങളുമായി ചേർന്നാണ് ഇവർ ചന്ദനക്കൊള്ള നടത്തുന്നതെന്നും വിവങ്ങളുണ്ട്.