ദുബൈ: വിദേശ വ്യാപാര മേഖലയിൽ രാജ്യത്തിന്റെ ആഗോള സ്വാധീനം വർദ്ധിപ്പിക്കുന്നതിന്റെ ഭാഗമായി, ലോകോത്തര നിലവാരമുള്ള 1,000 അന്താരാഷ്ട്ര വ്യാപാര കമ്പനികളെ യുഎഇയിലേക്ക് ആകർഷിക്കുന്നതിനുള്ള സുപ്രധാനമായ ഒരു അന്താരാഷ്ട്ര സാമ്പത്തിക പരിപാടിക്ക് തുടക്കം കുറിച്ച് യുഎഇ.

യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂം തന്റെ ഔദ്യോഗിക എക്സ് (X) അക്കൗണ്ടിലൂടെയാണ് ഇക്കാര്യം പ്രഖ്യാപിച്ചത്.

ALSO READ: ട്രാഫിക് പിഴകൾ അടച്ചില്ലെങ്കിൽ യുഎഇയിൽ നിന്ന് മടങ്ങാനാകില്ലേ?, നിയമം പറയുന്നതിങ്ങനെ 

"വിദേശ വ്യാപാരത്തിൽ യുഎഇയുടെ ആഗോള സ്ഥാനം കൂടുതൽ ശക്തിപ്പെടുത്തുന്നതിനായി ഞങ്ങൾ ഒരു അന്താരാഷ്ട്ര സാമ്പത്തിക പരിപാടി ആരംഭിച്ചു," ഷെയ്ഖ് മുഹമ്മദ് ബിൻ റാഷിദ് അറിയിച്ചു.

പദ്ധതിയുടെ പ്രധാന ലക്ഷ്യങ്ങൾ

• അന്താരാഷ്ട്ര വ്യാപാര രംഗത്ത് വൈദഗ്ധ്യമുള്ള ലോകത്തിലെ മികച്ച 1,000 കമ്പനികളെ യുഎഇയിലേക്ക് ആകർഷിക്കുക.
• യുഎഇയിലെ ആയിരക്കണക്കിന് കയറ്റുമതി കമ്പനികളെ ആഗോള വിപണികളുമായി ബന്ധിപ്പിക്കുന്നതിനായി ഒരു ഡിജിറ്റൽ ഗേറ്റ്‌വേ (Digital Gateway) സ്ഥാപിക്കുക.
• ഈ കമ്പനികളുടെ ഉൽപ്പന്നങ്ങൾക്കും കയറ്റുമതിക്കും കൂടുതൽ അവസരങ്ങളും പുതിയ വിപണികളും സൃഷ്ടിക്കുക.

ALSO READ: യുഎഇയിലെ താമസക്കാർക്ക് സന്തോഷ വാർത്ത, 2026-ലെ വാർഷിക അവധിയിൽ നിന്ന് 9 ദിവസം മാത്രം എടുത്ത് 38 ദിവസത്തെ അവധി നേടാം, എങ്ങനെയെന്നല്ലേ? 

അന്താരാഷ്ട്ര വ്യാപാര പാതകളിലെ ഒരു സുപ്രധാന കേന്ദ്രമെന്ന നിലയിൽ യുഎഇയുടെ സ്ഥാനം ഈ പുതിയ സംരംഭം കൂടുതൽ ശക്തിപ്പെടുത്തുമെന്നും അദ്ദേഹം കൂട്ടിച്ചേർത്തു.

the uae has announced a major economic initiative aimed at attracting 1,000 international companies to boost investment, innovation, and long-term economic growth. the plan focuses on strengthening the country’s global business environment.