സൗ​ഹൃ​ദ​ത്തി​ന്റെ പ​റു​ദീ​സ​യാ​യി എ​ക്കാ​ല​ത്തും ഉ​യ​ര്‍ത്തി​ക്കാ​ട്ടി​യ ഇ​ട​മാ​ണ് മ​ല​ബാ​ര്‍, വി​ശി​ഷ്യാ മ​ല​പ്പു​റം. വ​ര്‍ഗീ​യ​ത​യും സം​ഘ​ര്‍ഷാ​ന്ത​രീ​ക്ഷ​വും പൊ​ട്ടി​പ്പു​റ​പ്പെ​ടാ​ന്‍ ചി​ല​ര്‍ നി​ല​മൊ​രു​ക്കു​മ്പോ​ഴും പി​ടി​കൊ​ടു​ക്കാ​തെ മ​ല​പ്പു​റ​ത്തെ വേ​റി​ട്ടു​നി​ര്‍ത്തി​യ​ത് അ​തി​ര്‍വ​ര​മ്പി​ല്ലാ​ത്ത ഒ​ന്നി​ക്ക​ലി​ന്റെ ഒ​രു​മ​യാ​യി​രു​ന്നു. ലോ​ക​ത്തി​നു മാ​തൃ​ക​യാ​യ ഈ ​ഐ​ക്യ​സ​ന്ദേ​ശ​ത്തി​നു നൂ​റ്റാ​ണ്ടി​ന്റെ പാ​ര​മ്പ​ര്യ​മു​ണ്ട്. മ​ല​പ്പു​റ​ത്തി​ന്റെ വി​വി​ധ​യി​ട​ങ്ങ​ളി​ലാ​യി ഹി​ന്ദു, മു​സ്്‌​ലിം, ക്രൈ​സ്ത​വ​ര്‍ പ​ര​സ്പ​രം ഒ​ന്നി​ച്ചു​നി​ന്ന് ജീ​വി​ക്കു​ന്ന കാ​ഴ്ച ഏ​തൊ​രു പ്ര​ദേ​ശ​ത്തി​നും ഇ​ക്കാ​ല​ത്ത് ഒ​രു​പ​ക്ഷേ, കൗ​തു​കം ത​ന്നെ​യാ​കും. മു​സ്്‌​ലിം പ​ള്ളി​ക​ളും മ​ദ്‌​റ​സ​ക​ളും നി​ര്‍മി​ക്കാ​ന്‍ സ്ഥ​ലം സൗ​ജ​ന്യ​മാ​യി ന​ല്‍കു​ന്ന ഹൈ​ന്ദ​വ​ര്‍, ക്ഷേ​ത്ര​പ​രി​പാ​ടി​ക്കു സൗ​ക​ര്യ​മൊ​രു​ക്കു​ന്ന പ​ള്ളി​ക്ക​മ്മി​റ്റി, പ​ള്ളി​പ്പെ​രു​ന്നാ​ളി​നോ​ട് സ​ഹ​ക​രി​ക്കു​ന്ന ഇ​ത​ര​മ​ത​സ്ഥ​ര്‍... സൗ​ഹാ​ര്‍ദ​ത്തി​ന്റെ ല​ളി​ത​ജീ​വി​ത​മാ​ണ് മ​ല​പ്പു​റ​ത്തി​ന്റെ മ​ണ്ണ് തു​റ​ന്നു​കാ​ട്ടു​ന്ന​ത്.

മ​ല​പ്പു​റം ചെ​മ്മാ​ടി​ന​ടു​ത്തു​ള്ള ത​ല​പ്പാ​റ​യി​ല്‍ ഇ​ട​വ​മാ​സ​ത്തി​ല്‍ ഉ​ത്സ​വ​പ്ര​തീ​തി നി​റ​യാ​റു​ണ്ട്. പ്ര​ശ​സ്ത​മാ​യ ക​ളി​യാ​ട്ട​ക്കാ​വ് ക്ഷേ​ത്ര​ത്തി​ലെ ഒ​രു വാ​ര്‍ഷി​കാ​ചാ​ര ആ​ഘോ​ഷ​മാ​ണ് വേ​ദി. മ​ത​പ​ര​മാ​യ വി​ശ്വാ​സ​ങ്ങ​ള്‍ക്കു പോ​റ​ലേ​ല്‍ക്കാ​തെ ഐ​ക്യ​ത്തി​ന്റെ കാ​ഹ​ള​മോ​തി പ്രാ​ദേ​ശി​ക സ​മൂ​ഹം ഒ​ത്തു​ചേ​രു​ന്ന ഉ​ത്സ​വം. ക്ഷേ​ത്ര​ത്തി​ലെ പ്ര​ധാ​ന ദേ​വ​ത​യാ​യ ക​ളി​യാ​ട്ട​ക്കാ​വി​ല​മ്മ​യ്ക്ക് സ​മ​ര്‍പ്പി​ച്ചി​രി​ക്കു​ന്ന കോ​ഴി​ക്ക​ളി​യാ​ട്ടം എ​ന്ന ആ​ഘോ​ഷം എ​ല്ലാ​വി​ഭാ​ഗം ജ​ന​ങ്ങ​ളെ​യും ആ​ക​ര്‍ഷി​ക്കു​ന്ന​തും കേ​ര​ളം എ​ക്കാ​ല​വും അ​റി​യ​പ്പെ​ടു​ന്ന സാ​മു​ദാ​യി​ക ഐ​ക്യ​ത്തി​ന്റെ പ​ര്യാ​യ​വു​മാ​ണ്. ത​ള​ര്‍ന്നെ​ന്ന് തോ​ന്നി​യാ​ല്‍, ഇ​നി​യൊ​രു പി​ടി​വ​ള്ളി ഇ​ല്ലെ​ന്ന് മ​ന​സു പ​റ​ഞ്ഞാ​ല്‍ എ​ന്റെ മ​മ്പു​റ​ത്തെ ത​ങ്ങ​ളേ... എ​ന്നൊ​രു വി​ളി​യു​ണ്ട്. ആ ​വി​ളി​യി​ല്‍ മ​ത​വും ജാ​തി​യു​മി​ല്ല. മ​മ്പു​റം ത​ങ്ങ​ള്‍ പ​ക​ര്‍ന്ന​രു​ളി​യ സൗ​ഹാ​ര്‍ദ​ത്തി​ന്റെ ക​ഥ ത​ന്നെ​യാ​ണ് ക​ളി​യാ​ട്ടു​ത്സ​വം. മ​മ്പു​റം സ​യ്യി​ദ് മൗ​ല​ദ്ദ​വീ​ല ത​ങ്ങ​ളു​ടെ മ​ഖ്ബ​റ​യി​ല്‍നി​ന്ന് അ​നു​ഗ്ര​ഹം തേ​ടി​യാ​ണ് ഹൈ​ന്ദ​വ​ഭ​ക്ത​ര്‍ ആ​ചാ​ര​പ​ര​മാ​യ ച​ട​ങ്ങു​ക​ള്‍ക്ക് തു​ട​ക്കം കു​റി​ക്കു​ന്ന ഘോ​ഷ​യാ​ത്ര ന​ട​ത്തു​ന്ന​ത്. ഈ ​പാ​ര​മ്പ​ര്യം ക്ഷേ​ത്രം ഇ​പ്പോ​ഴും പി​ന്തു​ട​രു​ന്നു. ഈ ​ആ​ചാ​ര​ത്തി​ന്റെ ഉ​ത്ഭ​വ​ത്തെ​ക്കു​റി​ച്ച് വ്യ​ത്യ​സ്ത പ്രാ​ദേ​ശി​ക പ​തി​പ്പു​ക​ള്‍ ഉ​ണ്ടെ​ങ്കി​ലും, കെ.​കെ മു​ഹ​മ്മ​ദ് അ​ബ്ദു​ൽ ക​രീം എ​ഴു​തി​യ 'മ​ല​ബ​രി​ലെ ര​ത്‌​ന​ങ്ങ​ള്‍' എ​ന്ന പു​സ്ത​ക​ത്തി​ല്‍ ഇ​തി​നെ​ക്കു​റി​ച്ചു​ള്ള പ​രാ​മ​ര്‍ശ​ങ്ങ​ള്‍ കാ​ണാം. സ​ഹ​വ​ര്‍ത്തി​ത്വ​ത്തി​ന്റെ വ​ക്താ​വും അ​ടി​ച്ച​മ​ര്‍ത്ത​പ്പെ​ട്ട​വ​രു​ടെ സം​ര​ക്ഷ​ക​നു​മാ​യ മ​മ്പു​റം ത​ങ്ങ​ളാ​ണ് വാ​ര്‍ഷി​കോ​ത്സ​വ​ത്തി​ന്റെ പ​ന്ത്ര​ണ്ടാം ദി​വ​സം കോ​ഴി​ക്ക​ളി​യാ​ട്ടം ന​ട​ത്താ​ന്‍ ദ​ലി​ത് സ​മൂ​ഹ​ത്തി​ന് അ​നു​വാ​ദം ന​ല്‍കു​ന്ന​തി​നാ​യി ക്ഷേ​ത്ര പ​ങ്കാ​ളി​ക​ള്‍ക്കി​ട​യി​ല്‍ ഒ​രു സ​മ​വാ​യം രൂ​പ​പ്പെ​ടു​ത്തു​ന്ന​തി​ന് മു​ന്‍കൈ​യെ​ടു​ത്ത​തെ​ന്ന് പു​സ്ത​ക​ത്തി​ല്‍ പ​റ​യു​ന്നു. 'മ​ല​ബാ​റി​ന്റെ വി​വി​ധ ഭാ​ഗ​ങ്ങ​ളി​ല്‍ നി​ന്നു​ള്ള ആ​യി​ര​ക്ക​ണ​ക്കി​ന് ദ​ലി​ത് സ​മു​ദാ​യാം​ഗ​ങ്ങ​ള്‍ ഈ​ന്ത​പ്പ​ന​യോ​ല​ക​ള്‍കൊ​ണ്ട് നി​ര്‍മി​ച്ച് അ​ല​ങ്ക​രി​ച്ച കു​തി​ര​ക​ളു​ടെ രൂ​പ​ങ്ങ​ള്‍ വ​ഹി​ച്ചു​കൊ​ണ്ട് ക്ഷേ​ത്ര​ത്തി​ലേ​ക്ക് ഒ​ഴു​കി​യെ​ത്തു​ന്നു. അ​വ​ര്‍ ഘോ​ഷ​യാ​ത്ര​ക​ളാ​യി, ഡ്രം ​താ​ള​ങ്ങ​ള്‍ക്ക​നു​സ​രി​ച്ച് നൃ​ത്തം ചെ​യ്തു​കൊ​ണ്ട് വ​രു​ന്നു. ഘോ​ഷ​യാ​ത്ര​യ്ക്കി​ടെ​യു​ള്ള നാ​ടോ​ടി ഡ്രം ​നൃ​ത്ത​പ്ര​ക​ട​നം ആ​ഡം​ബ​ര​ത്തി​ന്റെ​യും ഗാം​ഭീ​ര്യ​ത്തി​ന്റെ​യും വി​ചി​ത്ര​മാ​യ പ്ര​ക​ട​ന​മാ​ണ്,' എ​ന്ന് 'മ​ല​ബാ​റി​ലെ ര​ത്‌​ന​ങ്ങ​ള്‍' വാ​യി​ക്കു​ന്നു. ഡോ. ​ഹു​സൈ​ന്‍ ര​ണ്ട​ത്താ​ണി എ​ഴു​തി​യ 'മാ​പ്പി​ള മ​ല​ബാ​ര്‍' എ​ന്ന കൃ​തി​യി​ലും കോ​ഴി​ക്ക​ളി​യാ​ട്ട​ത്തെ​ക്കു​റി​ച്ച് പ​രാ​മ​ര്‍ശ​ങ്ങ​ളു​ണ്ട്. 'മ​മ്പു​റം ത​ങ്ങ​ളോ​ടു​ള്ള ആ​ദ​ര​സൂ​ച​ക​മാ​യി, മ​ല​ബാ​റി​ലെ താ​ഴ്ന്ന ജാ​തി​സ​മൂ​ഹ​ങ്ങ​ള്‍ കു​തി​ര​ക​ളു​ടെ പ്ര​തി​രൂ​പ​വു​മാ​യി ഉ​ത്സ​വ​ത്തി​നെ​ത്തു​ക​യും മ​മ്പു​റം ത​ങ്ങ​ളെ ആ​ദ​രി​ക്കു​ന്ന​തി​നാ​യി പ്ര​ത്യേ​ക ച​ട​ങ്ങു​ക​ള്‍ ന​ട​ത്തു​ക​യും ചെ​യ്യു​ന്നു'- പു​സ്ത​ക​ത്തി​ല്‍ പ​റ​യു​ന്നു. അ​യ​ല്‍ ജി​ല്ല​ക​ളി​ല്‍ നി​ന്നു​ള്ള ക​ച്ച​വ​ട​ക്കാ​ര്‍ കൂ​ട്ട​ത്തോ​ടെ എ​ത്തി വീ​ട്ടു​പ​ക​ര​ണ​ങ്ങ​ളും ക​ര​കൗ​ശ​ല വ​സ്തു​ക്ക​ളും ഉ​ള്‍പ്പെ​ടെ വി​വി​ധ ഉ​ല്‍പ്പ​ന്ന​ങ്ങ​ള്‍ വി​ല്‍ക്കു​ന്ന താ​ല്‍ക്കാ​ലി​ക ക​ട​ക​ള്‍ സ്ഥാ​പി​ക്കു​ന്ന​തി​നാ​ല്‍ ഉ​ത്സ​വ​ത്തി​ന് ച​ന്ത​പോ​ലു​ള്ള അ​ന്ത​രീ​ക്ഷ​മാ​ണ്. വി​വി​ധ സ​മു​ദാ​യ​ങ്ങ​ള്‍ക്കി​ട​യി​ല്‍ നി​ല​നി​ല്‍ക്കു​ന്ന മ​ത​സൗ​ഹാ​ര്‍ദ​ത്തി​ന്റെ പ്ര​ക​ട​ന​മാ​ണ് ഈ ​ആ​ചാ​രം. ഉ​ത്സ​വ​ത്തി​ല്‍ പ​ങ്കെ​ടു​ക്കു​ന്ന എ​ല്ലാ മ​ത​സ്ഥ​രും അ​ടു​ത്തു​ള്ള പ​ള്ളി​ക​ളി​ലും പ്രാ​ര്‍ഥ​ന ന​ട​ത്തു​ന്ന​ത് പ​തി​വാ​ണ്. 'ക​പ്പോ​ലി​ക്ക​ല്‍' അ​ല്ലെ​ങ്കി​ല്‍ 'ക​വ്വ് പൊ​ലി​ക്ക​ല്‍' എ​ന്ന പ​ര​മ്പ​രാ​ഗ​ത ആ​ചാ​ര​ത്തോ​ടെ​യാ​ണ് ഉ​ത്സ​വം ആ​രം​ഭി​ക്കു​ന്ന​ത്. തു​ട​ര്‍ന്ന് ഭ​ക്ത​ര്‍ ദേ​വി​യു​ടെ കോ​ലം വ​ഹി​ച്ചു​കൊ​ണ്ട് പ്ര​ദേ​ശ​ത്തെ വീ​ടു​ക​ള്‍ സ​ന്ദ​ര്‍ശി​ച്ച് ദേ​വി​യെ സ്തു​തി​ക്കും. പ്ര​ദ​ക്ഷി​ണ​ത്തി​നു​ശേ​ഷം, ആ​ചാ​ര​ത്തി​ന്റെ ഭാ​ഗ​മാ​യി ക്ഷേ​ത്ര​പ​രി​സ​ര​ത്തു​വ​ച്ച് കോ​ല​ങ്ങ​ള്‍ ന​ശി​പ്പി​ക്കും. കാ​ല​ക്ര​മേ​ണ പ്ര​തി​മ​ക​ളു​ടെ വ​ലു​പ്പ​ത്തി​ലും ആ​കൃ​തി​യി​ലും വ​ലി​യ മാ​റ്റ​ങ്ങ​ള്‍ സം​ഭ​വി​ച്ചു. ചെ​റു​തും എ​ളി​മ​യു​ള്ള​തു​മാ​യ മി​നി​യേ​ച്ച​ര്‍ മോ​ഡ​ലു​ക​ള്‍ വ​ലി​യ​തും ഗം​ഭീ​ര​വു​മാ​യ​വ​യ്ക്ക് വ​ഴി​യൊ​രു​ക്കി. പ​ക​ല്‍സ​മ​യ​ത്തു ന​ട​ക്കു​ന്ന പ​ക​ല്‍ ക​ളി​യാ​ട്ട​ത്തി​ല്‍ ഹി​ന്ദു കു​ടും​ബ​ങ്ങ​ള്‍ മാ​ത്ര​മ​ല്ല, മ​ത​പ​ര​മാ​യ അ​തി​ര്‍വ​ര​മ്പു​ക​ള്‍ക്ക​പ്പു​റ​മു​ള്ള ആ​ളു​ക​ളും പ​ങ്കെ​ടു​ക്കു​ന്നു​ണ്ടെ​ന്ന് പ്ര​ദേ​ശ​വാ​സി​ക​ള്‍ പ​റ​യു​ന്നു.

മ​മ്പു​റം ത​ങ്ങ​ള്‍ക്കും ക​ളി​യാ​ട്ടം കാ​വി​ല​മ്മ​യ്ക്കും ഇ​ട​യി​ല്‍ പ​ര​സ്പ​ര സ​ഹ​ക​ര​ണ​ത്തി​ന്റെ​യും ബ​ഹു​മാ​ന​ത്തി​ന്റെ​യും നീ​ണ്ട ച​രി​ത്ര​മാ​യാ​ണ് ഈ ​ഉ​ത്സ​വ​ത്തെ പ​റ​യ​പ്പെ​ടു​ന്ന​ത്. മു​സ്്‌​ലിം​ക​ള​ല്ലാ​ത്ത​വ​ര്‍ മ​മ്പു​റം മ​ഖാം സ​ന്ദ​ര്‍ശി​ക്കു​ക​യും അ​ഹി​ന്ദു​ക്ക​ളും ക​ളി​യാ​ട്ടം ഉ​ത്സ​വ​ത്തി​ല്‍ പ​ങ്കെ​ടു​ക്കു​ക​യും ചെ​യ്യു​ന്നു. സ​ഹ​വ​ര്‍ത്തി​ത്വ​ത്തി​ന്റെ വ​ക്താ​വാ​യും അ​ടി​ച്ച​മ​ര്‍ത്ത​പ്പെ​ട്ട​വ​രു​ടെ സം​ര​ക്ഷ​ക​നാ​യും അ​റി​യ​പ്പെ​ട്ടി​രു​ന്ന ത​ങ്ങ​ളെ ഹൈ​ന്ദ​വ വി​ശ്വാ​സി​ക​ള്‍ ചേ​ര്‍ത്തു​പി​ടി​ച്ച​തി​ന്റെ ക​ഥ കൂ​ടി​യാ​ണ് ക​ളി​യാ​ട്ടു​ത്സ​വം.

ത​വ​നൂ​ര്‍ പ​ള്ളി​യി​ലെ ചാ​ന്തോ​മ​ന്‍ ആ​ശാ​രി​യു​ടെ മി​മ്പ​ര്‍

പ​ള്ളി​യി​ല്‍ എ​ത്തു​ന്ന​വ​ര്‍ക്കു സ​മ്മാ​ന​മാ​യി മി​മ്പ​ര്‍ ന​ല്‍കി​യ ആ​ശാ​രി കു​ടും​ബ​മു​ണ്ട് മ​ല​പ്പു​റ​ത്ത്. സൗ​ഹാ​ര്‍ദ​ത്തി​ന്റെ മ​ഹോ​ന്ന​ത ക​ഥ​യു​ടെ ജീ​വി​ക്കു​ന്ന തെ​ളി​വാ​ണ് നൂ​റ്റാ​ണ്ടു​ക​ളു​ടെ പാ​ര​മ്പ​ര്യ​മു​ള്ള കി​ഴി​ശേ​രി ത​വ​നൂ​ര്‍ വ​ലി​യ ജു​മു​അ​ത്ത് പ​ള്ളി​യി​ലെ മി​മ്പ​ര്‍. പ്ര​ദേ​ശ​ത്തെ​വി​ടെ​യും പ​ള്ളി​യി​ല്ലാ​ത്ത കാ​ലം. ജു​മു​അ നി​സ്‌​ക​രി​ക്ക​ണ​മെ​ങ്കി​ല്‍ നേ​രം പു​ല​രു​മ്പോ​ഴേ​ക്കും ചൂ​ട്ടു​ക​ത്തി​ച്ച് അ​നേ​കം കി​ലോ​മീ​റ്റ​റു​ക​ള്‍ താ​ണ്ടി തി​രൂ​ര​ങ്ങാ​ടി പ​ള്ളി​യെ ല​ക്ഷ്യ​മാ​ക്കി കാ​ല്‍ന​ട​യാ​യി സ​ഞ്ച​രി​ക്ക​ണം. സ​മ​യ​ത്തി​ന് എ​ത്തു​ക​യാ​ണെ​ങ്കി​ല്‍ ജു​മു​അ നി​സ്‌​കാ​ര​ത്തി​ല്‍ പ​ങ്കെ​ടു​ക്കാം അ​ല്ലെ​ങ്കി​ല്‍ ളു​ഹ​ര്‍ നി​സ്‌​ക​രി​ച്ച് നാ​ടി​നെ ല​ക്ഷ്യ​മാ​ക്കി​യു​ള്ള തി​രി​ഞ്ഞു​ന​ട​ത്ത​വും. മു​സ്്‌​ലിം ജ​ന​സം​ഖ്യ കു​റ​വു​ള്ള പ്ര​ദേ​ശ​മാ​യി​രു​ന്നു ത​വ​നൂ​ര്‍. ഇ​ന്ന​ത്തെ മു​തു​പ​റ​മ്പ്, മു​ണ്ട​ക്ക​ല്‍, പീ​ടി​ക​ക​ണ്ടി, ചു​ള്ളി​ക്കോ​ട്, മു​ണ്ടം​പ​റ​മ്പ്, കു​ഴി​മ​ണ്ണ, കു​ഴി​ഞ്ഞൊ​ളം, ഒ​ന്നാം​മൈ​ല്‍ എ​ന്നീ നാ​ടു​ക​ളെ​ല്ലാം ഉ​ള്‍പ്പെ​ട്ട​താ​യി​രു​ന്നു ത​വ​നൂ​ര്‍ പ്ര​ദേ​ശം. കൊ​ണ്ടോ​ട്ടി​യി​ലും ത​വ​നൂ​രി​ലും പ​ള്ളി​ക​ളൊ​ന്നു​മി​ല്ല. എ​ന്നാ​ല്‍, ഓ​ല​ക​ള്‍ മ​റ​ച്ചു​ണ്ടാ​ക്കി​യ ചെ​റി​യ സ്രാ​മ്പ്യ​ക​ളു​ണ്ടാ​യി​രു​ന്നു. പ​തി​വു​പോ​ലെ ഒ​രു വെ​ള്ളി​യാ​ഴ്ച​യി​ല്‍ ജു​മു​അ നി​സ്‌​ക​രി​ക്കാ​നാ​യി ത​വ​നൂ​ര്‍ പ്ര​ദേ​ശ​ത്തു​കാ​രെ​ല്ലാം പു​ല​ര്‍ച്ചെ ത​ന്നെ തി​രൂ​ര​ങ്ങാ​ടി​യി​ലെ പ​ഴ​യ​പ​ള്ളി​യെ ല​ക്ഷ്യ​മാ​ക്കി തി​രി​ച്ചെ​ങ്കി​ലും പ​ള്ളി​യി​ലെ​ത്തി​യ​പ്പോ​യേ​ക്കും നി​സ്‌​കാ​രം ക​ഴി​ഞ്ഞ് ആ​ളു​ക​ള്‍ പു​റ​ത്തി​റ​ങ്ങാ​ന്‍ തു​ട​ങ്ങി​യി​രു​ന്നു. നി​ങ്ങ​ള്‍ക്കു ത​വ​നൂ​രി​ല്‍ പ​ള്ളി​യു​ണ്ടാ​ക്കി​യാ​ലെ​ന്താ.. എ​ന്നും ഇ​ങ്ങോ​ട്ടു ക​യ​റി​വ​ര​ണോ.. എ​ന്നി​ങ്ങ​നെ പ​രി​ഹാ​സ​വാ​ക്കു​ക​ള്‍ കേ​ള്‍ക്കേ​ണ്ടി വ​ന്ന​തോ​ടെ ത​വ​നൂ​ര്‍ പ്ര​ദേ​ശ​ത്തു​കാ​ര്‍ നാ​ട്ടി​ലൊ​രു പ​ള്ളി സ്ഥാ​പി​ക്ക​ണ​മെ​ന്ന തീ​രു​മാ​ന​ത്തി​ലെ​ത്തി. അ​ങ്ങ​നെ​യാ​ണ് കൊ​ണ്ടോ​ട്ടി പ​ഴ​യ​പ​ള്ളി സ്ഥാ​പി​ത​മാ​യ​ത്. അ​തി​നു ശേ​ഷം എ.​ഡി 1740 - 1760 കാ​ല​ഘ​ട്ട​ത്തി​ല്‍ അ​ന്ന​ത്തെ ജ​ന്മി​യാ​യി​രു​ന്ന ത​ല​യൂ​ര്‍ മൂ​സ​ദി​ന്റെ സ​മ്മ​ത​ത്തോ​ടെ ത​വ​നൂ​രി​ലും പ​ള്ളി നി​ര്‍മി​ച്ചു. ഈ ​പ​ള്ളി പി​ന്നീ​ട് ത​വ​നൂ​ര്‍ വ​ലി​യ ജു​മു​അ​ത്ത് പ​ള്ളി​യാ​യും ത​റ​വാ​ട് പ​ള്ളി​യാ​യും അ​റി​യ​പ്പെ​ട്ടു.

 

നാ​ലു​കാ​ലി​ല്‍ കെ​ട്ടി​യ ഓ​ല​മേ​ഞ്ഞ ചെ​റി​യ കു​ടി​ല്‍ പോ​ലെ​യാ​യി​രു​ന്നു പ​ള്ളി. അ​ന്ന് ചി​ല ഭാ​ഗ​ങ്ങ​ളി​ല്‍ നി​ന്ന് ഇ​ള​ക്കി​വി​ട്ട വ​ര്‍ഗീ​യ​ത​യെ തു​ട​ര്‍ന്ന് ത​വ​നൂ​ര്‍ പ​ള്ളി ത​ക​ര്‍ക്ക​പ്പെ​ട്ടു. പി​ന്നീ​ടു​വ​ന്ന ത​ല​മു​റ​യാ​ണ് വീ​ണ്ടും പ​ള്ളി സ്ഥാ​പി​ച്ച​ത്. നാ​ലു​കാ​ലി​നു പ​ക​ര​മാ​യി ചു​മ​രു​വ​ച്ചാ​യി​രു​ന്നു പ​ള്ളി. പി​ന്നീ​ട് ഒ​രു നൂ​റ്റാ​ണ്ടി​നു ശേ​ഷം 1850 കാ​ല​ഘ​ട്ട​ങ്ങ​ളി​ല്‍ ത​വ​നൂ​രി​ലെ പൗ​ര​പ്ര​മു​ഖ​രും പ്ര​മാ​ണി​മാ​രും ചേ​ര്‍ന്ന് അ​ക്കാ​ല​ത്തെ പ​രി​ഷ്‌​ക​രി​ച്ച മാ​തൃ​ക​യി​ല്‍ പ​ള്ളി പു​തു​ക്കി​പ്പ​ണി​യു​ക​യാ​യി​രു​ന്നു. 1850ല്‍ ​പ​ള്ളി പു​തു​ക്കി​പ്പ​ണി​ത​തോ​ടെ മ​നോ​ഹ​ര​മാ​യ മി​മ്പ​ര്‍ നി​ര്‍മി​ച്ചു​ന​ല്‍കാ​ന്‍ ദേ​വ​ര്‍തൊ​ടി മ​ര​ക്കാ​ര്‍കു​ട്ടി ഹാ​ജി ത​യാ​റാ​യി. ചാ​ന്തോ​മ​ന്‍ ആ​ശാ​രി​ക്കാ​യി​രു​ന്നു നി​ര്‍മാ​ണ​ച്ചു​മ​ത​ല. മി​മ്പ​ര്‍ സ​മ്മാ​ന​മാ​യി ന​ല്‍കാ​മെ​ന്നു ചാ​ന്തോ​മ​ന്‍ ആ​ശാ​രി അ​റി​യി​ച്ചു. മ​ക​ന്‍ കു​ണ്ട​യും അ​ച്ഛ​നൊ​പ്പം നി​ര്‍മാ​ണ​പ്ര​വ​ര്‍ത്ത​ന​ത്തി​ലേ​ര്‍പ്പെ​ട്ടു. ഏ​റെ പ​ഴ​ക്ക​മു​ള്ള ഈ ​മി​മ്പ​ര്‍ പ​ഠ​ന​വി​ധേ​യ​മാ​ക്കാ​ന്‍ ച​രി​ത്ര പ​ഠി​താ​ക്ക​ള്‍ ഇ​പ്പോ​ഴും പ​ള്ളി​യി​ലെ​ത്തു​ന്നു​ണ്ട്. പെ​യി​ന്റി​ങ് ഇ​ല്ലാ​തി​രു​ന്ന അ​ക്കാ​ല​ത്ത് നി​റം​ന​ല്‍കാ​ന്‍ ഉ​പ​യോ​ഗി​ച്ചി​രു​ന്ന​ത് മ​ര​ങ്ങ​ളു​ടെ ഇ​ല​ക​ളും മ​റ്റു ചാ​റു​ക​ളു​മാ​ണ്. ഇ​ള​നീ​ര്‍ ച​കി​രി പു​ഴു​ങ്ങി ക​റു​പ്പു​നി​റ​വും ചാ​പ്പ​ങ്ങ മ​ര​ത്തി​ന്റെ കാ​ത​ല്‍ പു​ഴു​ങ്ങി ചു​വ​പ്പു​നി​റ​വും മ​ഞ്ഞ​ള്‍ പു​ഴു​ങ്ങി ഉ​ണ്ടാ​ക്കി​യ മ​ഞ്ഞ​നി​റ​വും ഉ​പ​യോ​ഗി​ച്ചാ​ണ് മി​മ്പ​റി​ന് മാ​റ്റു​കൂ​ട്ടി​യ​ത്. പ​ള്ളി പ​ല ഘ​ട്ട​ങ്ങ​ളി​ലാ​യി പു​ന​ര്‍നി​ര്‍മി​ക്ക​പ്പെ​ട്ടെ​ങ്കി​ലും മി​മ്പ​ര്‍ ഒ​രു മാ​റ്റ​വു​മി​ല്ലാ​തെ ഇ​ന്നും തി​ള​ങ്ങി​നി​ല്‍ക്കു​ന്നു​ണ്ട്.