അരീക്കോട്: സാക്ഷരതാ ദിനത്തില്‍ തുടര്‍പഠന പ്രവര്‍ത്തനങ്ങള്‍ക്ക് നേതൃത്വം നല്‍കി എന്‍.എസ്.എസ് വളണ്ടിയര്‍മാര്‍. മൂര്‍ക്കനാട് സുബലുസ്സലാം ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റിനു കീഴിലാണു സാക്ഷരതാ ദിനാചരണത്തിന്റെ ഭാഗമായി വിവിധ പരിപാടികള്‍ നടത്തിയത്. വിദ്യാര്‍ഥികള്‍ ദത്തെടുത്ത തെരട്ടമ്മല്‍ ഗ്രാമത്തില്‍ തുല്യതാ പഠിതാക്കള്‍ക്കായി സംഘടിപ്പിച്ച മോട്ടിവേഷന്‍ ക്ലാസിനു എന്‍.എസ്.എസ് പി.എ.സി അംഗം കെ. മുഹമ്മദ് ബഷീര്‍ നേതൃത്വം നല്‍കി. തുല്യതാ പരീക്ഷ വിജയിച്ച ആയിഷ അനുഭവങ്ങള്‍ പങ്ക് വെച്ചു. ഗ്രാമത്തില്‍ കംപ്യൂട്ടര്‍ സാക്ഷരതയും നിയമ സാക്ഷരതയും ഉറപ്പ് വരുത്താനുള്ള പ്രവര്‍ത്തനങ്ങള്‍ക്ക് രൂപം നല്‍കി. എന്‍.എസ്.എസ് വളണ്ടിയര്‍മാരായ സബീല്‍, ജല്‍വ ഖദീജ, ആദില, ദില്‍ഷാദ് ഖാസിം, ലസിന്‍, ആദില്‍ ഹനാന്‍ എന്നിവര്‍ നേതൃത്വം നല്‍കി. പ്രോഗ്രാം ഓഫിസര്‍ എം. കൃഷ്ണനുണ്ണി, തുല്യതാ കോഡിനേറ്റര്‍ റംല, പി.ടി അബ്ദുല്ല, മുഹമ്മദ് യൂനുസലി, വി.കെ അഭിലാഷ് എന്നിവര്‍ സംബന്ധിച്ചു.