തേഞ്ഞിപ്പലം: വിദ്യാര്‍ഥികള്‍ തങ്ങളുടെ നിഷേധാത്മക മനോഭാവം മാറ്റിയാല്‍ മാത്രമേ കരിയറില്‍ ഉന്നത വിജയം കൈവരിക്കാന്‍ സാധിക്കുകയൂള്ളൂ എന്നു വെസ് ചാന്‍സലര്‍ ഡോ.കെ.മുഹമ്മദ് ബഷീര്‍ പറഞ്ഞു. കാലിക്കറ്റ് സര്‍വകലാശാലയില്‍ പുതുതായി പ്രവേശനം നേടിയ വിദ്യാര്‍ഥികള്‍ക്കായി സംഘടിപ്പിച്ച പ്രത്യേക പരിശീലന പരിപാടി ഉദ്ഘാടനം ചെയ്യുകയായിരുന്നു അദ്ദേഹം.
ചടങ്ങില്‍ പ്രോ-വൈസ് ചാന്‍സലര്‍ ഡോ.പി.മോഹന്‍ അധ്യക്ഷനായിരുന്നു. പരീക്ഷാ കണ്‍ട്രോളര്‍ ഡോ.വി.വി.ജോര്‍ജ്കുട്ടി, ഫിനാന്‍സ് ഓഫിസര്‍ കെ.പി.രാജേഷ് എന്നിവര്‍ പ്രസംഗിച്ചു. അറബിക് പഠനവിഭാഗം മേധാവി ഡോ.എ.ബി.മൊയ്തീന്‍കുട്ടി സ്വാഗതവും രജിസ്ട്രാര്‍ ഇന്‍-ചാര്‍ജ് എന്‍.ദേവരാജന്‍ നന്ദിയും പറഞ്ഞു. വനിതാ ഹോസ്റ്റല്‍ വാര്‍ഡന്‍ ഡോ.വി.ജി.മാര്‍ഗരറ്റ്, യൂനിവേഴ്‌സിറ്റി ലൈബ്രേറിയന്‍ ഡോ.ടി.എ.അബ്ദുല്‍ അസീസ്, സെക്യൂരിറ്റി ഓഫിസര്‍ കെ.മണി തുടങ്ങിയവര്‍ പങ്കെടുത്തു. സര്‍വകലാശാലയിലെ വിവിധ അക്കാദമിക്-അക്കാദമികേതര പ്രവര്‍ത്തനങ്ങള്‍ പരിചയപ്പെടുത്തുന്നതിനായിരുന്നു പരിപാടി.